Mateus 17:23 - Tradução Bíblica Pacaas Novos

²³ To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta na ca tomi' caparut. Tomi' xaxa' tamana ac urut na quem.

Mateus 17:23 Iomraidhean Croise

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Marcos 8:31

Tomi' xo' ac tococwa na: Na e' na pain ca jain jain tamana ta' ta' ca'. Wata' pain ca Iri' Wari' ta' ca', jain jain tamana ta'. Noc tatarapa' oro taramaxicon nexi' pain ca judeu iri' ca'. Noc tatarapa' oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés ma' quem. To' pa' pin tatarapa' quem. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' tococwa ma'.

João 16:6

Tomi' xaxa' tamana e' hwe, xi om ne ca mao ta' ina ta ara xuhu' ta.

João 2:19

Om na, to' pa horohot pin jein cote ne xiricon Iri' Jam ca' ac tococwa na. 3 pin iri tara xec nein ne, quep mami' ac tain tara ta na ca tomi' tococwa ma'.

Mateus 17:9

Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.

Mateus 20:19

O mi' ac cacapa' tara cocon co om judeu nana ma' quem. Tatam' tatarapa', tomi' xirac ac cacapa' tara, wap ac cacapa' tara quem. Tatatain mi' ac cacapa' tara pain pana, wa wa mi' pin pe ac tain tara. Ma' 3 pin iri tara xec pain ca mi' pin ne ne, e' mami' ac ta' tara ta naparut.

Mateus 27:63

Taramaxicon ac cocon na. Mam' pe wet urut pain ca tomi' nucun co pacara ne, co tama' mixein cara ne. Ca' na ca tomi' nucun pain ca e' e' wet nucun pane: Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' mixein nucun pane.

Marcos 9:30

Maji ta ac xucucun na, mama' ac caca na, xuruxut tiquin' ca' ac cacain na macarain Galileia. Jeju ma', noc nonon oro wari' pain ca taxi' cocon pain ca to cacain i cain quem.