Mateus 17:13 - Tradução Bíblica Pacaas Novos

¹³ Taraju pa' pin ac cacain na ca tomi' nucun. Om na xin ca tomi' con Elias cara pane. Tomi' non João co ja' taxipa' com ta nana.

Mateus 17:13 Iomraidhean Croise

Mateus 11:14

Mija paxi' nana oro win ma' hwe co om howa je ha' nanain ca tomi' nucucun oro profeta ma'. Wahu' iri na ne, pain ca howa xin hwein ma', xin ne ac hwein tara ca tomi' xuhu' ca'. João ma', wirico co ac Elias ta. Wirico co xirao' pe caca oro profeta pane. Maqui' cain' tara Elias, aram aram maqui' ac ca tara wari' co wara tomi' pe ca Iri' Jam ta nana pane. Wirico João co xirao' pe caca pane.

Mateus 17:12

Ac i ma' paxi' na ca tomi' caca pane, ane tomi' pan xuhu' pain i ca' ne: Wara in qui' paxi' na Elias cara pane, ane om querec pin' cocon oro taramaxicon ne. Quep em' nonon, om ca xiram pa' camain' cocon. Ac i ma' tatarapa' pain ca Iri' Wari' ta' ca' quem. Quep em' tatarapa' quem na ca tomi' tococwa ma'.

Mateus 17:14

In hwet iri nanaparut pain ca to to wet urut pain xiquijinain pacun ma' ne, wara cut in tamana xucucun oro wari'. Xut hwet ac con na Jeju wari' ma'. Pe torotop mi' ac con na.

Mateus 3:1

Pain pin iri na ne, maqui' ac ne na oro xec nein ca ja' taxipa' com João pane, pain ca pijim' pe cain mahweri pain Judeia pane.