Mateus 17:12 - Tradução Bíblica Pacaas Novos

¹² Ac i ma' paxi' na ca tomi' caca pane, ane tomi' pan xuhu' pain i ca' ne: Wara in qui' paxi' na Elias cara pane, ane om querec pin' cocon oro taramaxicon ne. Quep em' nonon, om ca xiram pa' camain' cocon. Ac i ma' tatarapa' pain ca Iri' Wari' ta' ca' quem. Quep em' tatarapa' quem na ca tomi' tococwa ma'.

Mateus 17:12 Iomraidhean Croise

Mateus 11:2

Wara tao' pe ta pain xirinain ca tao' to tao' to to wa João ma', co ja' taxipa' nonon pain com oro wari' pane. Je ca taraju pe con Jeju ma' quem: Awi tamana na oro ca ara ca Jeju ta na ca taraju nucun. Taraju iri nain ne, tomi' ac tococwa na co taxipa' ca ma'. Mo tomi' jun Jeju e'.

Mateus 16:21

Je i ma' xec nein ca tomi' xo' pin caparut Jeju pane. Tomi' xo' pin naparut pain ca taxipa' urut con ca'. Tomi' ho' tomi' ho' ac caparut na. Na e' na pain ca mao tain Jerusalém ta. Wa' mao iri tain i cain ne, quep em' ac cacapa' tara oro taramaxicon nexi' pain ca judeu iri' ca', cocon oro taramaxicon nucucun oro sacerdote cocon oro co ca' na taxipa' nanain ca xirao' nucun Moisés. To' jain jain tamana tatarapa', to' pa' pin ac cacapa' tara. Ma' 3 pin iri tarapa' xec pain ca mi' pin ne ne, e' mami' ac ta' tara ta na ca tomi' xo' caparut ma'.

Mateus 17:11

Tomi' iri'o' nana ta ac tococwa na. In qui' cain' tara ta nonon Elias oro profeta pane. Ma' ta an to xo' cain ximicocon oro wari' nucun Iri' Jam pain ca winim' cocon co wara tomi' pe ca pane nonon.

Mateus 17:13

Taraju pa' pin ac cacain na ca tomi' nucun. Om na xin ca tomi' con Elias cara pane. Tomi' non João co ja' taxipa' com ta nana.

Mateus 17:22

Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'.

Mateus 17:9

Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.

Mateus 21:32

Xi hwet ara cuhu' João co ja' taxipa' com cara pane ta. Ma' ta an hwet mi' xuhu' pain ca xuruxut xo' wa con Iri' Jam ta nuhu'. Ane om howa hwein ca pijim' nucun ne. Oro caxicon wari' cacam oro caxicam narima' ma' iri nana ne, howa nonon João. Wahu' iri na ne, querec paxi' hwehwem pain ca howa nequequem. Ane om cwirin' hwe ne. Om ca howa hwein ca pijim' nucun João quem na ca tomi' tococwa ma'.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Lucas 7:33

Ac i ma' maparut pain ca pijim' nuxut ca' quem, an xiho' huhun oro hwijima' pain ca noc urut pain noc urut pain xucucun pain ca waraju nucucun. Noro jun João ma'. An pe nain ca cao' wa pain ca tomi' ton con Iri' Jam. Om ca toc cain comi uva quem. Tomi' ximama' pan ac hun na: Corom pe ho' non caxicon jam ta hun.

João 1:11

Pe paxi' nain macaracon, ane om tomi' querec te cocon oro win ma' ca ne.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 4:10

Je ca tomi' urut pahu' ca', taraju pa' jein ca tomi' urut pahu' ca'. Taraju pa' taraju pa' pi' pin tatara oro win ma' nexi' pain ca wari' nein Israel iri' quem. Xio pin na wari' cwa', co xat ja' pan nuhu' cwa'. Ca hwara' opa nucun Jeju Cristo co maqui' nain Nazaré pane, je i ma' pan na ca to' xio pin non ma'. Tatatain mi' paxi' hun pain pana pane, ane to' e' mami' con Iri' Jam ne.

Atos 7:52

Tomi' hwet paxi' nanain capijacon Iri' Jam oro profeta pain cara pane. Ma' xica' pe tara profeta co om ja' tequi' quep em' caca oro hwanana nexi' pane ra? Om na ta, om ca ma' xica' pe camain' ca cocon. Quep em' quep em' xam' tata pane. To' parapa' tata co wara tomi' pe nanain ca maqui' nucun co ma' co tama' ara xo' quem, co tomi' mi' pan hwe cocon co noc nonon pane, co to' pa' pin hwe pain xocori ca' quem.