Mateus 17:1 - Tradução Bíblica Pacaas Novos

¹ Ma' 6 pin iri na xec pain ca wara tomi' xo' caparut pain ca mi' pin ta' nucun Jeju ne, maji ta ac tococwa na Pedro con Tiago con João ma', coxa' ca Tiago ma', piri' mama' ac cacain na cote ne pacun. Xica' to nana caram ma'.

Mateus 17:1 Iomraidhean Croise

Mateus 17:2

Ca noro noro cocon Jeju ma', jimao pin ac ne na tocon. Toc meremem pin na con, an xiho' non xina. Towo' tamana pin na womicon quem. An xiho' nain naran ca toha mip ma'.

Mateus 26:37

Harahap je ta ac tococwa na Pedro cocon mana panxica Zebedeu ma', co ma' 2 nana ma'. O mama' ac tococwa na. Xuruxut xuruxut, tomi' xaxa' ac ca na Jeju. Jain jain pin na. Mija na.

Marcos 13:3

Mama' ac cacain na Pacun Nein Oliveira ma'. Xao pe ac ca na Jeju. Querec pira nanain cote ne xiricon Iri' Jam pain xijein cacarain taparain com ma'. Tomi' querec pan ac con na Pedro con Tiago con João con André. Xica' to nana, om nana xucucun. Tomi' querec ac cocon na:

Marcos 5:37

To wet je pa'ao', ta ja' ja' mahu' me ta ac tococwa na oro wari' co ja' ja' nonon ma'. Xica' to nana Pedro con Tiago con coxa' ca ma', João ma', co harahap je ca ma'. Maji ta ac tococwa na.

Lucas 8:51

Hwet pin iri nanain xiricon Jairo ne, corom xi' e' ac tococwa na co taxipa' ca ma', wirico Pedro con João con Tiago ma'. Wirico cote cama pije', wiricam jicam ma' quem, corom hwet xim e' ac cacam na quem. Narain ho' tata pain ca corom wa oro xucucun wari' co ja' ja' nonon ma'.

2 Coríntios 13:1

Hwet xim inuhu', je win 3 pin ta' ne ca hwet xim xuhu' ca'. Je i ca' ca xirao' pe xine pain capijacon Iri' Jam: Mo ta coromicat mi' tocwa pain ca caracat wa wari' ma', mo ta caracat na co ma' ta tocwa ma'. Na e' na pain ca tocwan caca co querec urut con pain ca caracat nucun ta nana ma'. Am ma' 2 caca, am ma' 3 caca, taxi' urut con pain ca caracat ca ma' tatara.

2 Pedro 1:16

Xi tomi' ximama' urut pain ca pijim' urut pahu' pane ta, om ca maqui' nein ca coromicat ximama' pan nuxut. Tomi' hwet iri urut pahu' con Taramaxicon nexi' Jeju Cristo pain ca hwara' opa nucun pain ca in qui' ta' nucun ne, tomi' iri'o' ac urut pahu' na. Querec urut con pain iri' ca hwara' opa tamana nucun.

2 Pedro 1:18

To ho' urut con pain tamain pacun pane, pain iri' pacun nucun Iri' Jam, taraju urut pain ca tomi' nucun ca maqui' nain pawin quem.