Mateus 16:23 - Tradução Bíblica Pacaas Novos

²³ Xat tucu in hwet ac con na Jeju. Ac Caxicon Jam a xima pain ca tomi' querec mapa' ta Pedro. Mo ca' ne ta ac con na. To' i'ina mapa'. An xiho' main pacun ca pe wana ma', pain ca tao' pan' pin ton mapa' ca'. Om ca an xiho' main ca coromicat nucun Iri' Jam. An xiho' e' main ca coromicat nein ca wari' wa ta na ca tomi' con Pedro Jeju.

Mateus 16:23 Iomraidhean Croise

Mateus 16:22

Quep ac cain na taparacon Jeju Pedro. Coc papan hwet mao ac con na, tomi' ac cain na taraxicon: Om na ta Taramaxicon ne. Nain ho' terem pain Iri' Jam ta. Om ta to' pa' quequem oro wari' ta non.

Mateus 18:7

Ximin nana oro wari' pain macan' ca', xi mija ara ne oro ca to' caracat nonon ta ac caparut na. To' caracat paxi' tata wari' ma', je cwerein mao na. Ane ximin tamana pan xi' caca oro wari' co to' caracat nonon oro win ma' caca ne. Wap tamana pan totoron Iri' Jam ta.

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Marcos 8:33

Xat tucu in hwet ac con na Pedro Jeju. Noro tata co taxipa' ca ma' quem. Tomi' carapita ac con na Pedro: Ac Caxicon Jam a xima pain ca tomi' querec mapa' ta Pedro. Mo ca' ne ta ac con na. Om ca an xiho' main ca coromicat nucun Iri' Jam. An xiho' e' main ca coromicat nein ca wari' wa ta na ca tomi' carapita con Pedro Jeju.

Lucas 4:8

Om na ta ac con na Jeju. Ac i ca' na ca xirao' pe xine pain capijacon Iri' Jam: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta. Ac i ma' na ca xirao' nein con ta non.

João 6:70

Wata' paxi' na co tora' pi' pin nuhu' pain ca 12 hwe ma' ac caparut na. Ane ma' ca win ma' nuhu' co tomi' ha' non Caxicon Jam ma' ne na ca tomi' caparut ma'.

Romanos 14:13

Je ca tomi' xuhu' ca'. Om ta tomi' ximama' mami' xijexi'. Coromicat xo' xi', na e' na pain ca om ara cup xuxun xerexi' cwa', om ta ja' camara' pin xuxun.

Romanos 14:21

Mo ta mam' ja' camara' pin xuxun xerexi' pain carawa ca cao' iri' ca', awi na pain ca om cao' xin. Mo ta mam' ja' camara' pin xuxun pain comi uva ca mana' ca toc iri' quem, awi na pain ca om toc xin. Mo ta mam' ja' camara' pin xuxun pain oro carawa ca ara xi' iri' ma' quem, awi na pain ca om ara xin.

Filipenses 3:19

Mama' tatarain cote ne xe, xi om ne ca win xumu ara cacain ca param pan nucucun ta. Ac ca iri' jam ne cacain na ca param pan nucucun. Xec xec nana pain ca pan teretem nucucun, xi wixipa' pan caca pain ta. Coromicat e' nanain oro caramaji macan'.

Colossenses 3:2

Coromicat cara jein caramaji pawin cain. Ta coromicat cara hwein caramaji macan' me.