Mateus 16:16 - Tradução Bíblica Pacaas Novos

¹⁶ Wum co Cristo ta. Panxica Iri' Jam co e' cara ma ta ac con na Simão Pedro.

Mateus 16:16 Iomraidhean Croise

Mateus 1:16

Jacó ma', wanxi' ac con na José. José ma', an ac cam na Maria co wijima non Jeju. Jeju ma', wirico co Cristo ma', ac i ma' na ca tomi' cocon oro wari' quem.

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 16:15

Wahu' quem? Cain' ca coromicat mi' pan mahu' quem ac caparut na.

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Mateus 4:3

Hwet ac con na Caxicon Jam ma', co tomi' querec taxipa' pain ca caracat wa ma'. Tomi' ac con na: Ara capam' pin ximain oro pacun ca' quem. Win ne ca Panxica Iri' Jam ina ma ma' na ca tomi' querec con ma'.

Marcos 14:61

Ane tacana pe ca Jeju ne. Om ca tomi' in pin camain' tococwa. Tomi' querec mami' ac con na: Wum co Cristo cwa' ra? Wum co Panxica Iri' Jam co awi cwa' ra non.

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 11:27

Howa ina ta Taramaxicon ne ac cama na. Howa inem pain ca Cristo ma ma', pain ca Panxica Iri' Jam ma ma', pain ca mao rain macan' ta qui' quem Cote ma pane na ca tomi' con ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

João 6:57

Hwet roron oro wari' napa' Te co mi' nain ca e' cara wa pain pawin ma'. Je ca e' ta' ca' quem. To' e' cara napa'. Ac i ma' inonon oro wari' cwa' quem. Oro wari' co cao' nanapa', to' e' cara ac toton na.

João 6:68

Om na ta Taramaxicon ne ac con na Simão Pedro. Ma' wari' xi ja' ja' urut quem? Wum co tomi' hwet naparut pain capijam ca mi' nain ca e' cara wa pain pawin ta.

João 6:69

Howa urut pum. Querec pin' urut pum quem. Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca tomi' ca ma'.

Atos 14:15

Para to' parapa' mi' xim maparut pain boi ca' quem caram ma'? Xi Iri' Jam urut ta. Wari' urut ca' ira. Win hwe ma'. Pijim' urut pahu' pain capijacon Iri' Jam ca awi ca' ira, je ca hwet urut pahu' ca'. Howa maho' jujun oro jam co Iri' Jam xi' ma hwe ma', co om quep xiho' taxi' nunuhu' ma'. Howa pin jun Iri' Jam co e' cara cwa', co quep nain pawin je macan' je oro com ca', co quep quep pi' pin nain oro carawa ca to nain ca' quem.

Atos 8:36

Ca tiquin' mama' caca pain wana ma', aram aram hwet ac cacain na com ma', xuterem' ma'. Tomi' ac ca na wari': Noro ra, main ma' com ma'. Hohot na pain ca ja' mapa' pain com quem? Ac i ma' na ca tomi' con ma'.

Atos 8:37

Hohot na. Mo ta howa mon Jeju Cristo pain iri' xumum ma', hohot ac ne na pain ca ja' xim pain com ta ac con na Filipe. Howa ina ta ac ca na. Howa inon Jeju Cristo pain ca Panxica Iri' Jam ca ma' ac ca na quem.

Atos 9:20

Pijim' hwet ho' toton con Jeju ta ac ca na, pijim' pe ac cain na oro xirim ca cut in to xucucun oro judeu. Panxica Iri' Jam na Jeju ta nonon pain ca pijim' cocon ma'.

Romanos 1:4

Pain ca Iri' Jam nucun pain ca om caracat nucun quem, Panxica Iri' Jam na quem. Wirico Iri' Jam co an hwet pe non pane, pain ca an hwet pe cain ca hwara' opa nucun pain ca to' e' mami' con pane. Taramaxicon nexi' Jeju Cristo cwa' ira!

2 Coríntios 1:19

Tomi' iri'o' taxipa' na Panxica Iri' Jam ma', wirico Jeju Cristo co pijim' hwet mi' xuhu' cwa', co pijim' hwet mi' cuhu' Silvano con Timóteo cwa' quem. Om ca an in camain' cain ca tomi' pe nucun Jeju Cristo pane. Ara taxipa' nain oro ca tomi' pe nucun, ac i ma taxipa' urut quem.

2 Coríntios 3:3

Howa pin iri hwein capijacon Iri' Jam ca pijim' hwet urut pahu' pane ne, ac ca xirao' nucun Cristo hwe na pain ca howa pin hwein capijacon Iri' Jam ca pijim' hwet urut pahu' pane. Wirico pan co xirao' nain pahu', ac je na. Ane om mam' xirao' cain pain iri' ca mam' xirao' wa ne, om na. Mam' xirao' nain pain Tamataracon ca e' cara ma'. Om ca xirao' pe ca pain pacun quem. Xirao' pe na pain iri' xumuhu' ma' ta.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

1 Tessalonicenses 1:9

Hwet iri urut cocon pain macaracocon ne, wiricoco pan ac caca na co tomi' hwet nanaparut pahu'. Tomi' hwet nanaparut pain ca tomi' querec te hwein capijacon Iri' Jam pain ca xo' hwet urut pahu' pain cidade nuhu' pane. Tomi' hwet nanaparut pain ca howa howa om pin hwein caji pacun ca Iri' Jam xi' ma hwe pane ira. Tomi' hwet nanaparut pain ca howa pin hun Iri' Jam, je pain ca taramaja mi' hun Iri' Jam co e' cara ma', co iri'o' ma'.

1 Timóteo 4:10

Je ca taramaja tamana iri' ca'. Xi howa ara xun Iri' Jam co e' cara ma', co to' witan ton nonon oro wari' ma'. Iri' Jam ma', pain ca howa xun ca', param tamana napari' pain ca witan wa.

Hebreus 10:31

Je ca tomi' xuhu' ca'. Wari' co quep xat ca Iri' Jam co e' cara ma', pain ca wap ton tocwa ma', jin' tamana ac ca tara ta.

Hebreus 12:22

Ane om wixicam hwein cote ne pacun pain mahweri ne, om na. Wixicam pan hwein xijein pacun ma', Sião ma', je ca pe ne macaracon Iri' Jam co e' cara ma'. Wixicam hwein Jerusalém ca pe pawin cain. Wixicam huhun oro jam co taramaja mi' nonon Iri' Jam ma', co mija tamana nana pain ca cut in xucucun pain ca tomi' querec te tamana nucucun ma' quem.

Hebreus 3:12

Ma' tara xumuhu' me xere. Ma' ta om ma' camain' ca win ma' nuhu' co pan tem ximicon ta. Ma' ta om ma' camain' ca win ma' nuhu' co om howa xo' ra na ma', co an pe pin ton non Iri' Jam co e' cara cwa'.

Hebreus 9:14

Ac i ma' na ca hwara' opa ne quinain oro carawa ma'. Hwara' opa paxi' na quinain oro carawa, ane hwara' opa tamana pan ne quicon Cristo ne. Hwara' opa tiquin' ca' nain quinain carawa, xi om ne ca awi tamana ara ca Cristo ta. Om ca em' camain' ca. Ha' non pain ca mi' pan xucun con Iri' Jam pane, xi quep xiho' pan ara con Tamataracon ca e' cara ta. To' hohot pin napari' quicon. To' om pin nain ca em' nexi' pain ximixi' pain ca coromicat nexi'. To' om pin nain ca toron ne ximixi' pain ca caracat nexi'. Om ca to' i'ina mami' capari' oro ca ara nexi' ca to' cono' pin napari' ca'. Ha' pin ac capari' na pain ca in ac xun Iri' Jam co e' cara quem.

1João 4:15

Wari' co tomi' ca' ma': Panxica Iri' Jam na Jeju ta, mo ta tomi' ac i ma' ca, wirico co win cwere cara ca Iri' Jam. Win cwere cara pan non Iri' Jam quem.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.

1João 5:5

Ma' co to' quiji' pin nain oro ca om awi wa pain macan' quem? Om na, xica' pe tara co howa non Jeju ma', pain ca Panxica Iri' Jam ca ma', wirico co to' quiji' pin nain ta.

Apocalipse 7:2

Querec ac ton na xucun jam co taramaja mi' non Iri' Jam. Piri' ca' nain ca maqui' ac ca xina. An nain ca mam' xirao' nucun Iri' Jam co e' cara. Merem mip ac ca na, merem mip tata oro jam co taramaja mi' nonon Iri' Jam ma', co ma' 4 nana ma', co to' em' jein macan' je oro cote ne com je oro pana ta wawa ma'.