Mateus 16:12 - Tradução Bíblica Pacaas Novos

¹² Na ra ac urut na, taraju pa' pin ac urut na quem. Om na xin ca tomi' mi' capari' pain iri' ca to' memerem nein capam' ca' ne urut. Tomi' mi' napari' pain oro ca pijim' ximama' nucucun oro fariseu cocon oro saduceu ta urut.

Mateus 16:12 Iomraidhean Croise

Mateus 16:11

Je xi taraju pa' mahu' pain ca om tomi' mi' tain capam' ca' quem? Ma' tara xumuhu' me, ein jein ca to' memerem nein capam' nucucun oro fariseu cocon oro saduceu inuhu' ta na ca tomi' xo' caparut ma'.

Mateus 3:7

Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Atos 23:8

Coromicat ca' nana oro saduceu ma': Om ta e' mami' caca co wara cono' nana ta nana. Om nana oro jam co taramaja mi' nonon Iri' Jam, om na tamataraxi' quem ta nana. Oro fariseu ma' iri nana ne, coromicat ni nana quem. E' mami' tatara co wara cono' nana ta nana, ma' nana oro jam co taramaja mi' nonon Iri' Jam, ma' na tamataraxi' quem nana.

1 Coríntios 5:6

Om xi xin to hwe pain ca hohot urut ca' ira hwe ma'. Mo ta caracat ca wari' ma' pahu', mo ta miri'om hun pain ca caracat nucun ma', quep quep pi' pin ac cuhu' tara ca caracat nucun. Wara taxi' ara xi' hwein i ma' ta. Win ne ca to' memerem nein capam' ma'. Maxoc wijimain iri xine ne, to' memerem to' memerem pi' pin ac nein na. Ac i ma' napari' ca caracat nucun win ma' nexi' quem. To' ara napari'.