Mateus 16:11 - Tradução Bíblica Pacaas Novos

¹¹ Je xi taraju pa' mahu' pain ca om tomi' mi' tain capam' ca' quem? Ma' tara xumuhu' me, ein jein ca to' memerem nein capam' nucucun oro fariseu cocon oro saduceu inuhu' ta na ca tomi' xo' caparut ma'.

Mateus 16:11 Iomraidhean Croise

Mateus 16:1

Xuruxut hwet ac cocon na Jeju oro fariseu cocon oro saduceu. Tomi' querec xun ta nana. Am iri'o' ca, am om iri'o' ca quem nana. Je ca tomi' cocon ma': Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta nonon.

Mateus 16:12

Na ra ac urut na, taraju pa' pin ac urut na quem. Om na xin ca tomi' mi' capari' pain iri' ca to' memerem nein capam' ca' ne urut. Tomi' mi' napari' pain oro ca pijim' ximama' nucucun oro fariseu cocon oro saduceu ta urut.

Mateus 16:6

Ma' tara xumuhu' me ac caparut na Jeju. Ein jein ca to' memerem nein capam' nucucun oro fariseu cocon oro saduceu ta naparut.

Mateus 3:7

Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Marcos 4:40

Cain' cain' xihwe quem ac tococwa na co taxipa' ca ma'. Para jin' tamana hwe ma' quem? Om ca howa querec mahu' ra tata.

Marcos 8:15

Tomi' mip ac tococwa na: Ma' tara xumuhu' me. Ein jein ca to' memerem nein capam' nucucun oro fariseu cocon oro wari' nucun Herodes ta tata.

Marcos 8:21

Om ca taraju pa' querec hwe ra ac tococwa na.

Lucas 12:1

Ac i ma' ac i ma' nana, ma' mija ac caca na oro wari' co cut in nana ma'. Mija nana, om ca paric camain' caca. Pain ca wixicam xun Jeju ta caca ma', xao xao ac xucucun na, xom mapi' xucucun pain caximacocon quem. Tomi' ta' e' ac ca na Jeju, tomi' cain' tata co taxipa' ca ma': Ma' tara xumuhu' me ac tococwa na. Ta an xiho' huhun oro fariseu pain ca ac ca iri'o' xi' ca' tara me caca ma'. An xiho' ara xi' nanain ca to' memerem nein capam' ma', pain ca to' ara cocon oro wari' pain ca mixein nucucun.

Lucas 12:56

Wa inuhu' pain ca ac ca iri'o' xi' ca' tara me hwe ma'! Noro iri hwein nanawin pain macan' ca' ne, querec pin' ac hwein na ca pan' ta' ne xowi' je pain ca xain tamana ta' ca xina ma' quem. Je xi querec pin' hwein carawa ca ara ta' pan ca Iri' Jam pain oro xec nexi' ca' quem?

João 8:43

Je xi taraju pa' mahu' pain ca tomi' xuhu' ca' quem? Ane noc hwein ca taraju wet wa ne.