Mateus 16:1 - Tradução Bíblica Pacaas Novos

¹ Xuruxut hwet ac cocon na Jeju oro fariseu cocon oro saduceu. Tomi' querec xun ta nana. Am iri'o' ca, am om iri'o' ca quem nana. Je ca tomi' cocon ma': Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta nonon.

Mateus 16:1 Iomraidhean Croise

Mateus 12:14

Hwerehwet mama' ac caca na oro fariseu ma' quem. Tomi' xo' xijexi' ta, ma' ta to' pa' pin xun Jeju ta xucucun.

Mateus 15:1

Ma' ac caca na oro fariseu cocon oro co ca' na taxipa' nanain ca xirao' nucun Moisés. Maqui' nanain Jerusalém. Hwet ac cocon na Jeju. Tomi' querec ac cocon na:

Mateus 16:6

Ma' tara xumuhu' me ac caparut na Jeju. Ein jein ca to' memerem nein capam' nucucun oro fariseu cocon oro saduceu ta naparut.

Mateus 19:3

Ma' ac caca na oro fariseu co xuruxut hwet nonon ma'. Am tomi' xo' ca, am om tomi' xo' ca quem nonon. Je ca tomi' querec cocon ma'. Hohot na pain ca an pe ximao wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Mateus 22:15

Hwerehwet mama' ac caca na oro fariseu ma'. Tomi' xo' ac xucucun na: Cain' cain' xuxun quem? Tomi' querec xun e'. Mo ta tomi' ximao ca, querec pin' ac tocwa tara pain ca om iri'o' nucun ta nana.

Mateus 22:18

Ane querec pin' cocon Jeju ne, querec pin' nonon pain ca mixein nucucun. Ac ca iri'o' xi' ca' tara me hwe ra ac cocon na. Para tomi' querec ximama' mahu' ma'? Param mahu' pain ca tomi' pan tem wa ra tata.

Mateus 22:23

Pain xec nein ca tomi' querec cocon Jeju pain imposto oro fariseu ma', ma' ac caca na oro saduceu ma', co howa ca' nana quem: Om ca e' mami' xi' caca co wara cono' nana ta na ca howa nucucun. Tomi' querec xun Jeju ta ac caca na, xuruxut hwet ac cocon quem.

Mateus 23:2

Ca' na ca tomi' caparut: Oro fariseu cocon oro co ca' na taxipa' nanain ca xirao' nucun Moisés ma', je i ma' ca taramaja nucucun. Ca' na taxipa' nanain ca xirao' nucun Moisés. Tomi' xo' paxi' nanain quem.

Mateus 27:62

Xec pin iri na ne, pain sábado ma', xuruxut hwet ac cocon na Pilatos oro taramaxicon nucucun oro sacerdote cocon oro fariseu ma'.

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Mateus 9:11

Querec iri nanaparut oro fariseu ma' ne, pain ca cao' to ho' urut cocon oro caracat ma', tomi' querec ac cacaparut pain ca taxipa' urut con Jeju. Cain' cain' xira co ma' co ca' na nuhu' pain capijacon Iri' Jam ma' quem? Para cao' pe ho' cocon co cut in taxipa' nanain oro imposto ca pagar je cacapari' oro taramaxicon quem? Para cao' pe ho' cocon oro caracat ma' quem na ca tomi' cacaparut ma'.

Marcos 10:2

Ma' ac caca na oro fariseu co xuruxut hwet nonon quem. Tomi' querec xun ta nana. Am tomi' xo' ca, am om tomi' xo' ca quem nonon. Je ca tomi' querec cocon ma': Hohot na pain ca an pe wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Marcos 12:15

Cain' cain' xuxut quem? Pagar xuxun pain? Om ta pagar xuxun pain? Ac i ma' na ca tomi' querec ximama' cocon ma'. Ane querec pin' cocon Jeju ne, querec pin' nonon pain ca ac ca iri'o' xi' ca' tara me caca ma'. Para tomi' querec ximama' mahu' ma' ac tococwa na. Param mahu' pain ca tomi' pan tem wa ra tata. Je i ma' ira, mi' xine pain denário ta. Noro tain ta ac tococwa na.

Marcos 12:18

Xuruxut hwet ac cocon na Jeju oro saduceu. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju:

Lucas 10:25

Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 11:16

Ma' nana oro xucucun co mam' pe wet ca' nonon quem: Am iri'o' ca, am om iri'o' ca quem nonon. Je ca tomi' ca' cocon quem: Ara rain oro ca to' querec pin' naparut pain ca pe ho' quem ca hwara' opa nucun Iri' Jam ta nonon.

Lucas 20:23

Querec pin' tata pain ca mixein nucucun quem. Tomi' ac tococwa na:

Lucas 20:27

Ma' ac caca na oro saduceu co xuruxut hwet nonon Jeju. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju:

João 8:6

Wara tomi' xo' ca' xucucun con: Tomi' querec xun e'. Mo ta tomi' pan tem ca, na ac capari' tara pain ca em' na ta xun ta nana. Ac i ma' paxi' na ca wara tomi' xo' xucucun, ane miri'om tococwa ne. Wina quiji' na, xirao' ac cain na macan' pain micon.

Atos 4:1

Pijim' pijim' wet nonon oro wari' Pedro con João ma', maqui' ac caca na oro sacerdote cocon taramaxicon nucucun oro guarda co querec wet nanain cote ne xiricon Iri' Jam ma', cocon oro saduceu ma' quem, hwet ac cocon na Pedro con João.

Atos 5:17

Mana' ac ca na sacerdote co iri' taramaxicon, cocon oro win ma' ca ma', co saduceu nana ma'. Noc tamana tata oro apóstolo, xi om caca oro wari' co tomi' querec te pan nonon ta.

1 Coríntios 1:22

Ac i ma' na ca coromicat nucucun. Oro judeu ma', param e' nonon Iri' Jam pain ca an hwet cain ca hwara' opa nucun. Ma' ta howa urut ta nana. Oro wari' co om judeu nana ma' iri nana ne, win xumu e' nanain oro ca coromicat pan nucucun.