Mateus 15:6 - Tradução Bíblica Pacaas Novos

⁶ hohot ac ne tara pain ca om quep xiho' hwehwem ta na ca tomi' pan nuhu' pain ca pijim' huhun ma'. Ac i ma' na ca miri'om hwein capijacon Iri' Jam ta. Xi om ne ca tomi' ha' e' ara hwein oro ca tomi' pan nuhu' ta ac tococwa na.

Mateus 15:6 Iomraidhean Croise

Mateus 15:5

Wahu' iri na ne, tomi' ca' huhun oro win ma' nuhu' pain ca pijim' huhun ma': Ma' paxi' turuhu' carawa ca mam' quep xiho' xun hun cote hwe cam juhu' ma'. Mo ta tomi' cain' hwehwem: Carawa ne ca', wara tomi' pe mi' inon pain Iri' Jam ta. Om ca mi' ac xuhu' pain, mo ta tomi' ac i ma' hwehwem,

Mateus 15:7

Ac ca iri'o' xi' ca' tara me hwe ra! Iri'o' na ca tomi' nucun Isaías cara pane, pain ca tomi' hwet cain capijacon Iri' Jam cocon oro hwanana nuhu' pane ta ac tococwa na. Ca' na con pane:

Marcos 7:13

Ac i ma' na ca miri'om hwein capijacon Iri' Jam ta. Xi om ne ca tomi' ha' e' ara hwein oro ca tomi' pan nuhu' ta. Mija na oro wirain ca tomi' nuhu' ca pan teretem ac i ma' ma' quem. Ac i ma' na ca tomi' tococwa oro fariseu pain ca pijim' ximama' nucucun pane.

Romanos 3:31

Tomi' querec xuhu' pain i ca' quem: Howa iri urun Jeju ne, je ca joc in pin xin ca xirao' nucun Moisés ra? Om na, om ca joc in pin camain' xin ta. Howa iri urun Jeju ne, querec pin' ac irin na ca hwet hwet pi' pin ne oro ca xirao' nucun Moisés ca xirao' pe ca pane.

1 Timóteo 5:16

Oro narima' co howa nonon Cristo Jeju ma', mo ta ma' cacama ca nari nequequem co cono' ca' nanam waram taxicacam ma', na e' na pain ca querec wet pan cacam. Om ta na ne pain ca to' i'ina cacam co howa nana pain ca xiram pa' xut me cacam ma'. Ma' ta quep xiho' pan tacacama co om nanam ca nari nequequem co querec wet nanam ta.

1 Timóteo 5:8

Wari' co miri'om nanam oro ca nari nucun ma', co om querec wet xo' camain' nanam mana panxica cam jicon con cote ca ma', ac ca an pe pin cain na capijacon Iri' Jam ca howa iri' ca'. Pan tem tiquin' ca' non wari' co om howa camain' non Cristo Jeju.