Mateus 15:4 - Tradução Bíblica Pacaas Novos

⁴ Noro jein ca tomi' pan nucun Iri' Jam ca'. Tomi' ha' ron cote ma cam jim me. Quep xiho' raram quem, ac i ma' na ca tomi' capari' Iri' Jam. Tomi' napari' pain i ca' quem: Wari' co tomi' napat non cote ca cam jicon ma', to' pa' pin ac tocwa tara ta napari'.

Mateus 15:4 Iomraidhean Croise

Mateus 15:3

Wahu' quem inuhu' ac tococwa na. Para om tomi' ha' hwein capijacon Iri' Jam ca tomi' ha' je cuhu' quem? Tomi' ha' e' hwein oro ca tomi' pan nuhu' ta.

Mateus 15:5

Wahu' iri na ne, tomi' ca' huhun oro win ma' nuhu' pain ca pijim' huhun ma': Ma' paxi' turuhu' carawa ca mam' quep xiho' xun hun cote hwe cam juhu' ma'. Mo ta tomi' cain' hwehwem: Carawa ne ca', wara tomi' pe mi' inon pain Iri' Jam ta. Om ca mi' ac xuhu' pain, mo ta tomi' ac i ma' hwehwem,

Mateus 19:19

Tomi' ha' ron cote ma cam jim ta. Ta noc momon win ma' ma me ta. Win ne ca om noc pan xijem ma'. Je ca tomi' ha' je capari' ca' na ca tomi' xo' con ma'.

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Romanos 3:31

Tomi' querec xuhu' pain i ca' quem: Howa iri urun Jeju ne, je ca joc in pin xin ca xirao' nucun Moisés ra? Om na, om ca joc in pin camain' xin ta. Howa iri urun Jeju ne, querec pin' ac irin na ca hwet hwet pi' pin ne oro ca xirao' nucun Moisés ca xirao' pe ca pane.

Efésios 6:1

Tomi' inuhu' pain ca hwijima' hwe ma': Tomi' ha' jujun mana cote hwe cacam waram juhu'. Je ca param mi' cuhu' Taramaxicon nexi'. Tomi' ha' jejem ta nuhu'.