Mateus 15:23 - Tradução Bíblica Pacaas Novos

²³ Tomi' ac i ma' paxi' non Jeju ma', ane miri'om cam ne. Om ca tomi' camain' cam. Xuruxut hwet ac urut con na pain ca taxipa' urut con ca', tomi' ac urut con na. In mao ra ram cam ma' ta Jeju, xi ja' ja' merem ara capari' ta. Mija a xira ta urut con.

Mateus 15:23 Iomraidhean Croise

Mateus 14:15

Irawin pin iri na ne, mo tomi' xun Jeju ta ac urut na pain ca taxipa' urut con ca', xuruxut hwet ac urut con na. Irawin pin na ta Jeju. Om nain i ca' xirim ca cut pe xine carawa ca cao' wa quem urut con. Mama' je ximomon oro wari' cwa'. Ma' ta mama' cacain oro ca paric to ne xirim ma', cut pan ac cacain tara carawa ca cao' wa ta na ca tomi' urut con.

Mateus 15:22

Maqui' ac cama na narima' co om judeu ma'. Wari' nein Canaã na. Xut hwet ac con na Jeju, merem ac con na: Taramaxicon ne! Winacon Davi! Co hwanana ne non Davi cara pane! Wum co wara tomi' pe ca Iri' Jam pane ta. Xiram pa' ne cam caina cwa'. Ximin na. Corom pe ho' nam caxicon jam ta non.

Mateus 15:24

Om ca hwet roron co om judeu nana ta capa' Iri' Jam quem ac caparut na. Hwet e' roron oro judeu co an xiho' nanain ovelha ca pan' ara'am ca' non waximain napa' ta na ca tomi' caparut ma'.