Mateus 15:12 - Tradução Bíblica Pacaas Novos

¹² Tomi' xun e' ac urut con na pain ca taxipa' urut con ca', mo hwet ac urut con na. Tomi' querec ac urut con na: Taxi' momon oro fariseu cara ne? Mana' nenem pain ca tomi' nem cara ne urut con.

Mateus 15:12 Iomraidhean Croise

Mateus 11:6

Tomi' jun pain i ca' quem: Wari' co howa cara napa' ma', co om tara con ta'a napa' ma', wirico tara co param mi' ca pain ca awi wa Iri' Jam ta, ac i ma' na ca tomi' xo' tococwa ma'.

Mateus 15:11

Om ca to' em' cuhu' carawa ca corom hwet nuhu' pain capijahu' ma', pain ca cao' nuhu' ma'. Carawa ca hwet ca' nain capijahu' ma', pain ca tomi' ximama' nuhu' ma' iri na ne, je i ma' ca to' em' nuhu' ta. Om ac ne na ca querec hohot cuhu' Iri' Jam na ca tomi' tococwa ma'.

Mateus 15:13

Je i ma' ira ac caparut na. Oro fariseu ma', an xiho' nanain memem ca om oin' ca Te co pe pawin cwain. Ame hwe e', main horohot pi' pin totoron ta.

Mateus 17:27

Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.

2 Coríntios 6:3

Ara xite xujuxut pain oro ca xuruxut nuxut ca', ma' ta om tomi' em' cacain capijacon Iri' Jam ca pijim' hwet urut cocon. Ma' ta om tomi' in pin cacaparut pain ca pijim' hwet urut pain capijacon Iri' Jam ta urut quem.

Gálatas 2:5

Om ca ha' camain' urut cocon. Ma' ta om wanan xine ca pijim' mixein wa pain ca pijim' iri'o' wa ta urut cocon. Ma' ta howa cara hwein capijacon Iri' Jam ca iri'o' con Jeju ta urut pahu' quem.

Tiago 3:17

Ane jimao ne ca coromicat xo' wa ca maqui' nain pawin ne. Mo ta coromicat xo' iri', to ni ca' ac xin na ca caracat wa pain ca win xumu cain' xun Iri' Jam. Ca' ac iri' na quem: Quep xiho' ururun oro win ma' nexi' pain ca mana' caracan xucucun ma'. Tomi' querec te caracan xijexi'. Tomi' wixite xijexi' pain ca win xumu xin ca param pan nucucun oro win ma' nexi'. Xiram pa' tamana xijexi' pain ca ara mi' xijexi' pain oro ca awi wa. Om ca tomi' querec te paxica' xijexi', om ca tomi' capijacocon e' xijexi', tomi' iri'o' xijexi'.