Mateus 14:2 - Tradução Bíblica Pacaas Novos

² Tomi' ac tococwa na oro wari' nucun co taramaja mi' e' nonon ma'. João co ja' taxipa' com pane ta. Wirico tara, e' mami' tara João co ja' taxipa' com pane! Je tara ca ha' con pain ca ara cain ca om ara taxi' ne ca wari' wa ta na ca tomi' nucun Herodes ma'.

Mateus 14:2 Iomraidhean Croise

Mateus 11:11

Je ca tomi' xuhu' ca', tomi' iri'o' inuhu' ta ac tococwa na. Iri' wari' na João co ja' taxipa' com, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta.

Mateus 16:14

Om na, ma' nana co João co ja' taxipa' com cara pane xi' ma nenem ac urut con na. Ma' nana oro xucucun co profeta Elias cara pane xi' ma nenem. Ma' ac caca na co profeta Jeremias cara pane xi' ma nenem. Oro xucucun ma' iri nana ne, om na, xucun profeta xi' ma nenem quem na ca tomi' urut con ma'.

Mateus 3:1

Pain pin iri na ne, maqui' ac ne na oro xec nein ca ja' taxipa' com João pane, pain ca pijim' pe cain mahweri pain Judeia pane.

Marcos 6:14

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. Xi taraju taraju pi' pin ara cocon ta. Ma' nana co tomi' ca' nana ma': Om na, wirico co cwa' João cara pane, co ja' taxipa' nonon pain com oro wari' pane. E' mami' na João cara pane. Je tara ca ha' con pain ca ara cain oro ca om ara taxi' ne ca wari' wa ta, ac i ma' na ca tomi' caca ma'.

Marcos 8:28

Om na, ma' nana co João co ja' taxipa' com cara pane xi' ma nenem ac cocon na. Ma' nana oro xucucun co profeta Elias cara pane xi' ma nenem. Oro xucucun ma' iri nana ne, om na, xucun profeta xi' ma nenem quem na ca tomi' cocon ma'.

Lucas 9:7

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. I'ina ac ne na ximicon. Cain' cain' xira con ne na, xi ma' ara caca wari' co tomi' ca' nana ma': Om na, wari' co taraju hwe ma', wirico João cara pane, e' mami' tara João cara pane ta nana.

João 10:41

Mija ac caca na oro wari' co hwet nonon pain i cain quem. Tomi' ca' nana: João cara pane, om paxi' na ca an hwet cain ca hwara' opa wa pane, om paxi' na ca ara cain ca om ara taxi' ne ca wari' wa pane. Ane iri'o' ne oro ca tomi' hwet nucun con Jeju ne. Iri'o' iri'o' pi' pin na con ta na ca tomi' caca ma'.