Mateus 13:54 - Tradução Bíblica Pacaas Novos

⁵⁴ Wa' mao iri nain macaracon ma' ne, pijim' pe ac cain na xirim ca cut in to xucucun ma'. He, cain' cain' ca co cwa' ne ta? Ma' co mi' non pain ca coromicat xo' nucun pain ca taxi' tamana nucun ma' quem ac xucucun na oro wari' co taraju nonon ma'. Ma' co mi' non pain ca ara an hwet pe cain ca hwara' opa nucun pain ca ara cain oro ca om ara taxi' ne ca wari' wa ma' quem nana.

Mateus 13:54 Iomraidhean Croise

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Mateus 7:28

Maho' iri nain ca pijim' wa ne, wa wa ac caca na oro wari' co taraju nanain ca pijim' nucun.

Lucas 2:47

Caram ma' co taraju nonon pain ca tomi' querec ca ma', wa wa wa wa pi' pin nonon quem. Taraju pa' na xin co cwa' ne ta? Tomi' xo' na xin ne ca' nonon.

João 1:11

Pe paxi' nain macaracon, ane om tomi' querec te cocon oro win ma' ca ne.

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

Atos 4:13

In ac nonon Pedro con João oro taramaxicon ma'. Xi querec pin' ara cocon pain ca om tomi' jin' nucucun ta. Querec pin' nonon pain ca om taraju pa' homa caca, querec pin' nonon pain ca om ca' na xo' tococwa pain oro ca ca' na wa. Querec pin' nonon pain ca taxipa' cocon Jeju quem.