Mateus 13:47 - Tradução Bíblica Pacaas Novos

⁴⁷ Pijim' ac caparut na: Carawa ca ara ne pain ca taramaxicon pe ho' toton cocon oro wari' Iri' Jam ma', an xiho' nain carawa ca ara ne cocon oro co xin nanain cote ne caji wi ca mam' pa' wa hwam. Mija na oro xucun hwam co quep caca.

Mateus 13:47 Iomraidhean Croise

Mateus 13:44

Pijim' ac caparut na: Carawa ca ara ne pain ca taramaxicon pe ho' xirapa' na tocwa Iri' Jam ma', an xiho' nain carawa ca ara nain iri' carawa ca awi tamana ca tequi' pa' pe xine pain xitot. Ma' na wari' ma', co mam' nain ma', tequi' pa' mami' ac cain na quem. Tomi' querec te tamana nain. Mo vender pi' pin tain oro caramaju e' ac ca na, mao ac ca na, vender pi' pin ac cain na oro caramaxicon. In hwet mami' ac cain na xitot ma', an pin ac cain na quem. Ac i ma' na ca pijim' joc mam' mi' caparut pain carawa ca awi ca mam' pe xine pain xitot pane.

Mateus 13:46

Mam' iri nain ca awi tamana nein ne, mo vender pi' pin tain oro caramaju e' ac ca na, mao ac ca na, vender pi' pin ac cain na oro caramaxicon. In hwet mami' ac cain na, an pin ac cain na quem. Ac i ma' na ca pijim' joc mam' mi' caparut con wari' co an nain wijimain pacun ca awi tamana pane.

Mateus 13:48

Moin' pin iri na hwam cocon ne, cuc in qui' ac cocon na pain namaji. Xao to ac caca na, an to ni xun co awi, an to ni xun co om awi quem ta ac xucucun na. Co awi ma', an ho' pa' mi' ac tocwa na pain coco. Co om awi ma' iri na ne, wixicaracao' hwerehwet pin ac tocwa na quem.

Mateus 4:19

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Marcos 1:17

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Lucas 5:10

Ac i ma' nana mana panxica Zebedeu Tiago con João ma' quem, co taramaja wi ca ma'. Om na, ta jin' ma me ta Simão ac ca na Jeju. Maho' rain ca cut wa hwam ta. Mi' ho' xim inem pain xijein ca taramaja wa pain xocori ca'. Cut in ho' roron wari' ta. Win ne ca cut in taxipa' mon hwam cwa', ac i ma' roron oro wari' ta. Ma' ta howa cacapa' pum ta inem na ca tomi' con ma'.

João 15:2

Wari' co querec wet nain panaji uva ma', ton tapiripit taxipa' nain taparain ca om wina. Taparain ca wina ma', wawac wijimain pin ac cain na. Ma' ta wina tamana ne nain.

João 15:6

Wari' co om win cwere napa' ma', ac taparain panaji uva ca om wina ma', ca xin pin wa ma', ca mi' pin ma'. Oro taparain panaji uva ca cono' ac i ma' ma', cut in ac xine na, wixicaracao' mi' ac xine na pain xe ma', wiran mao ac ne na quem.

Atos 20:30

Ac i ma' tatara iri' win ma' nuhu' pain ca howa hun Jeju ma'. Main maqui' tara xec nein ca pijim' mixein xim cucuhu' ma'. Mixein tuturuhu', howa jein ca tomi' urut pahu' ca', ja' ja' xut ta tuturuhu', ja' ja' ac cocon tara co howa nonon Jeju.

1 Coríntios 11:19

Taxi' ara xi' irin i ca' quem, pain ca na e' ne pain ca coromicat ni ca' xujuhu' pain ca tomi' caracan xujuhu' ma'. Ma' ta querec pin' tococwa oro co win howa hwe pain ca hohot cocon Iri' Jam ta.

2 Coríntios 11:26

Pain ca xut mao ho' xut mao ho' tain oro xijein macan' pane, mija na oro ca to' mi' pin xim paxi' napa'. We' pa' napa' com. Cut noc xa ca' nanapa' pain caramaju oro wari' co cut noc xa nana ma'. Quep xirac nanapa' oro win judeu ta', quep xirac nanapa' co om judeu nana quem. Mao iri inain oro xijein macan' ma', je pain mahweri ma', je pain cote ne com ma' quem, mija ara xi' na oro ca to' mi' pin xim paxi' napa' ma'. To' mi' pin xim paxi' nanapa' oro co howa urut con Jeju mixein nana ma' quem.

Gálatas 2:4

Ma' paxi' nana oro xucucun co wac xirac teterem ta nonon Tito. Corom hwet taparu nanaparut pain ca cut in nuxut, mixein nana, ac ca howa iri'o' ta' ca' tara me nana. Tocojin' nanaparut pain ca om tomi' ha' mami' urut pain oro ca xirao' nucun Moisés pane, je pain ca to' witan pin caparut Cristo Jeju pain ca win cwere pin urut con quem. Je xi tomi' ha' cara hwein oro ca xirao' nucun Moisés pane quem nanaparut.

Apocalipse 3:1

Tomi' ac capa' na: Xirao' mi' ron co ma' co querec wet nonon co howa to nanain Sardes. Xirao' mi' ac i ca' ron: Je i ca' ca tomi' xim cuhu' co ma' co taramaxicon pe ho' nain Tamataracon Iri' Jam ma', ca ma' 7 ne ca hwara' opa nein ma', co ma' co taramaxicon pe ho' nonon oro co ac pijo' co ma' 7 nana ma' quem. Tomi' ca' xim nuhu': Taxi' inuhu' pain oro ca ara hwe ma'. Ac ca howa xo' mahu' na, howa xo' totoron xi' ma nunuhu' oro wari' pata'. Ane om howa iri'o' mahu' ne.