Mateus 13:36 - Tradução Bíblica Pacaas Novos

³⁶ Mao ta' ta ac ca na Jeju ma', paca' ac tococwa na oro wari' ma', in hwet ac cain na xiricon. Tomi' querec xun e' ac urut na pain ca taxipa' urut con ca', mo hwet ac urut con na. Tomi' xo' mi' xut pain ca tomi' mao ne ca pijim' nem pain ca pijim' joc mam' mi' main caji tononoin ne urut con.

Mateus 13:36 Iomraidhean Croise

Mateus 13:1

Pain xec nein ca hwet cocon Jeju jicon cocon xurucun ma', hwet ca' ac cain na xirim, mao ac cain na cacarain cote ne com, xao pe ac ca na quem.

Mateus 13:11

Tomi' ac caparut na: Wara coromicat xo' na Iri' Jam pane. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Oro xucucun wari' co om howa nanapa' ma' iri nana ne, om ca mi' tococwa pain ca taraju pa' wa quem.

Mateus 13:18

Tomi' ac caparut na: Taraju wet je, tomi' xo' xuhu' pain ca tomi' mao ne ca pijim' ne ca', pain ca pijim' joc mam' mi' xuhu' con wari' co wixicaracao' nain tocwi trigo pain totacon ta naparut.

Mateus 13:25

Om om, maqui' towa ac ca na wari' co noc non waximain xitot. Pi'am pi'am pi' pin ca' nonon oro wari', maqui' towa ac ca na, wixicaracao' mi' ac ca pain trigo na tocwi caji tononoin ma'. Mao ac ca na quem.

Mateus 14:22

Pan cut pin iri urut pain pawirinain capam' con hwam ne, tomi' ac caparut na Jeju, tomi' naparut pain ca taxipa' urut con ca'. Piton to jein mam' horoho wa ma'. Wara pan horoho mama' jein xijein cacarain cain ta naparut. Querec querec mama' toton oro wari' pa'ao', aram aram hwet ac xuhu' tara quem naparut.

Mateus 15:39

Mama' je iri nonon oro wari' Jeju ne, maji quem ac caparut na, piton to ac urut pain na mam' horoho wa, pan horoho mama' ac urut na pain macarain Magadã cain.

Mateus 9:28

Corom mao iri nain xirim Jeju ne, xuruxut hwet ac cocon na co om tococon ma'. Tomi' querec ac tococwa na: Howa mahu' quem? Ha' non pain ca quep xio capari' mahu' ra, howa ac i ma' mahu' ra na ca tomi' querec tococwa ma'? E'e', howa urut pum ta Taramaxicon nuxut ac cocon na.

Marcos 4:34

Oro ca pijim' nucun pane, pain ca pijim' qui' tococwa oro wari' pane, pijim' joc mam' mi' e' tata pain oro carawa. Xica' pe pin iri na cocon co taxipa' ca ne, tomi' xo' pin ac tococwa na pain ca pijim' nucun quem.

Marcos 6:45

Pan cut pin iri nanain pawirinain capam' con hwam co taxipa' ca ne, tomi' ac ca na Jeju: Piton to jein mam' horoho wa ma' ac tococwa na. Wara pan horoho mama' jein xijein cacarain pain Betsaida cain ta tata. Querec querec mama' toton oro wari' pa'ao', aram aram hwet ac xuhu' tara quem ac tococwa na quem.

Marcos 7:17

Corom ca' iri nonon oro wari' Jeju ne, pain ca corom cain xirim ma', tomi' querec pan ac cocon na co taxipa' ca ma'. Cain' cain' ne ca tomi' ma cara ne? Para tomi' joc mam' mi' momon pain carawa ca to' em' nonon ma'? Tomi' xo' xut pain e' nonon.

Marcos 8:9

Ac ca ma' 4.000 caca na ca tarama' nucucun co cao' nana ma'. Mama' je iri nonon oro wari' Jeju ne,