Biblia Todo Logo
Bìoball air-loidhne

- Sanasan -




Mateus 13:30 - Tradução Bíblica Pacaas Novos

30 Miri'om jein, horon wi ma' tara ne jein. Maqui' pan tara xec nein ca caracat xine e'. Maqui' iri tara xec nein ne, tomi' ac toton tara co caracat jein ta ta' ma'. Horohot cain' jein caji tononoin ma'. Tucu jein arain, ma' ta tom pin xine ta ac toton tara. Caracat ac hwein tara trigo, an toco' xo' ac hwein tara pain xirinain ta ac toton tara quem. Ac i ma' na ca pijim' joc mam' mi' tococwa con wari' co wixicaracao' mi' nain tocwi caji tononoin pain totain trigo pane.

Faic an caibideil Dèan lethbhreac




Mateus 13:30
20 Iomraidhean Croise  

An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain ca mam' pahop nucun, pahop ac cain na tocoxi, an pe ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem na ca tomi' cocon oro wari' João pane.


Je ca tomi' xim cocon wari' co quep tain main winacocon pain ca taramaja nucucun ma', tomi' querec ac tococwa tara. Ma' tara xumum me, ta quep hap main winacocon me. Ma' ara xi' nana wari' co wara querec pin' wawa pain ca caracat nucucun ma'. Wara querec pin' tata pain ca om tomi' xo' querec tococwa pain carawa ca ara caca ma'. Oro xucucun iri nana ne, om ca querec pin' hap tococwa pain ca caracat nucucun ma'. Joc xim nanain. Ame ma e', main taxi' ac tococwa tara pain ca tomi' xo' xun tococwa pain carawa ca ara caca ma'.


Je ca tomi' xuhu' ca': Ta tomi' em' hap huhun pain ca taramaja nucucun oro wari' me ta. Winim' jein xec nein ca in qui' ta ca Taramaxicon nexi'. Wirico tara co an hwet pin tain nain oro ca coromicat nucucun oro wari' ca joc xim caca ira. Para taramaja mi' cocon Cristo quem? Om na, wirico tara co to' querec pin' napari' pain oro ca coromicat nucucun pain ca taramaja mi' cocon ma'. Wirico tara co tomi' nonon oro wari' co taramaja xo' nana. Mo ta taramaja xo' caca pain ca e' e' wet nucucun pane, hohot ma ta ac cocon tara, taramaja xo' ma ma' ira ac cocon tara, tomi' tomi' xam' ac cocon tara ta.


Wari' co om win cwere napa' ma', ac taparain panaji uva ca om wina ma', ca xin pin wa ma', ca mi' pin ma'. Oro taparain panaji uva ca cono' ac i ma' ma', cut in ac xine na, wixicaracao' mi' ac xine na pain xe ma', wiran mao ac ne na quem.


Tomi' cut in ac tococwa tara oro wari' pain oro xijein macan'. Coco' quima hwet ac cacapa' tara, cut to ni ac toton tara co xuruxut xo' nana, cut to ni ac toton tara co om xuruxut xo' nana quem. Win ca wari' co querec wet taxipa' nain ovelha ma', co cut to ni ca' nain ovelha nucun pain bode nucun ma'.


An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain mam' pahop nucun, pahop ac cain na tocoxi, an to ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem nonon.


Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.


Om om, maqui' towa ac ca na wari' co noc non waximain xitot. Pi'am pi'am pi' pin ca' nonon oro wari', maqui' towa ac ca na, wixicaracao' mi' ac ca pain trigo na tocwi caji tononoin ma'. Mao ac ca na quem.


Om na ta ac ca na. Mo ta horohot pin xin hwein oro caji tononoin ma', horohot mapi' ac hwein tara trigo ma' quem.


Lean sinn:

Sanasan


Sanasan