Mateus 13:3 - Tradução Bíblica Pacaas Novos

³ Mija na ca pijim' cocon oro wari' Jeju quem, pijim' joc mam' mi' tata pain oro carawa. Ca' na ca pijim' tococwa ma': Taraju wet je. Wixicaracao' tain tocwi trigo pain tota ta ac ca na wari' ma'.

Mateus 13:3 Iomraidhean Croise

Mateus 13:4

Wixicaracao' wixicaracao', ma' ac ne na tocwi trigo ca camara' to nain cacarain wana. Maqui' ac ne na oro wijimain me, itac pin ac nein na quem.

Mateus 13:53

Pijim' pijim' xam' iri naparut pain oro ca pijim' nucun Jeju ma' ne, mao ac ca na.

Mateus 22:1

Pijim' mami' xuhu' ta ac ca na Jeju, pijim' joc mam' mi' ac tococwa na con taramaxicon co an ta' narima' panxica ma'. Ca' na ca pijim' nucun:

Mateus 24:32

Noro jein panaji figo ma' ac caparut na. Xi to' querec pin' ara capari' pain i ca' ta. Taraju pa' jein ta. Hwerehwet pin iri na xocori tarajain tenenein ne, taxi' pin ac hwein na ca wixicam pin ne oro xec pain ca xain toto ca xina.

Marcos 12:1

Pijim' joc mam' mi' xuhu' cocon oro co taramaja to nanain totain uva ta ac tococwa na, pijim' ac tococwa na: Ma' na wari' pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.

Marcos 12:12

He, tomi' napari' ron ac caca na oro taramaxicon nuxut pain ca judeu urut ca', pain ca taraju cocon pain ca pijim' joc mam' mi' cocon cocon co to' pa' pin nonon panxica waximain totain uva ma'. Je ca quep xun paxi' cocon ma'. Ane jin' cocon oro wari' ne. Je ca om quep cocon ma'. Mama' ac caca na.

Marcos 3:23

Harahap je, tomi' xo' xuhu' ta ac ca na Jeju: Ma' tara ca tomi' mo pin ac xucun Caxicon Jam ra tata, pijim' joc mam' mi' ac tococwa na cocon oro wari' co to ho' xucucun pain macaracocon.

Marcos 4:13

Tomi' querec ac tococwa na: Om ca taraju pa' hwein i cara ca pijim' ta' cara ne ra? Cain' xi taraju pa' ac hwein oro wirain ca pijim' ta' ma' quem tata.

Marcos 4:33

Ac i ma' na ca pijim' cocon oro wari' Jeju pane. Pain ca taraju taraju wet cocon pain ca pijim' mi' tococwa pain capijacon Iri' Jam ma', pijim' joc mam' mi' e' tata pain oro carawa.

Lucas 12:41

Cain' cain' ma quem Taramaxicon ne ac con na Pedro. Tomi' e' maparut pain ca pijim' joc mam' mi' maparut cocon oro wari' co taramaja mi' nonon taramaxicon nucucun ra? Om ca tomi' tomi' pi' pin momon oro wari' cwa' quem na ca tomi' querec con ma'.

Lucas 8:10

Om na, wara coromicat xo' na Iri' Jam pane ac tococwa na. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Ane om ac i ma' ne cocon oro xucucun wari' co om howa nanapa' ne. Ca' na toton pain capijacon Iri' Jam iri inonon ne, pijim' joc mam' mi' e' inonon pain oro ca pijim' wa. Ma' ta hwet pin ne ca xirao' pe nucun profeta cara pane. Ca' na con pane: Querec paxi' nana, ane om querec pin' caca ne. Taraju taraju paxi' nana, ane om taraju pa' caca quem ne. Ac i ma' na ca xirao' pe nucun profeta cara pane ta na ca tomi' tococwa ma'.

João 16:25

Pain ca tomi' hwet xuhu' pain oro ca tomi' ne ca', pijim' joc mam' mi' inuhu' pain oro carawa pain ca ca' na xuhu' pain capijacon Te ac caparut na. Ame hwe e', main maqui' tara xec nein ca pijim' joc mam' mi' pijim' joc mam' mi' om pin xuhu'. Tomi' xo' e' xuhu' con Te. Ma' ta taraju pa' hwe con ta inuhu'.