Mateus 13:23 - Tradução Bíblica Pacaas Novos

²³ Oro wari' co tomi' joc mam' mi' nanain macan' ca awi ma' iri nana ne, taraju nanain capijacon Iri' Jam. Taraju pa' nanain quem. Horon tiquin' ac caca na, win ne ca mi ne tocwi trigo ma'. Pain xijein arain ma', mi 100 na. Pain xijein arain ma', mi 60 na. Pain xijein arain ma', mi 30 na quem. Ac i ma' na ca horon tiquin' caca pain ca howa nucucun quem. Ac i ma' na ca tomi' xo' caparut pain ca pijim' joc mam' mi' nucun con wari' co wixicaracao' tocwi trigo pain totacon pane.

Mateus 13:23 Iomraidhean Croise

Mateus 12:33

Noro jein panaji memem ma' quem ac tococwa na oro fariseu. Panaji memem ca awi ma', wina awi na. Panaji memem ca om awi ma' iri na ne, wina pan tem na quem. Xac querec iri xine winain ne, querec pin' ac xine na panaji pain ca awi nein, je pain ca om awi nein quem.

Mateus 13:8

Oro wirain tocwi trigo ca camara' to nain macan' ca awi ma' iri na ne, mi xo' tamana ac ne na. Pain xijein arain ma', mi 100 na. Pain xijein arain ma', mi 60 na. Pain xijein arain ma', mi 30 na quem.

Mateus 3:10

Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem. Ac i ma' na ca tomi' tococwa ma'.

Mateus 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' nuhu' pain ca caracat nuhu' ta.

Marcos 10:15

Je ca tomi' xuhu' ca', tomi' iri'o' inuhu': Mo ta om an xiho' hwehwem hwijima' pain ca tomi' querec te cocon Iri' Jam pain ca taramaxicon pe ho' xuhu' ta cocon ma', om ta hwet camain' hun pain ca taramaxicon pe ca pain pawin cain ta na ca tomi' tococwa ma'.

Marcos 4:20

Carawa ca ara nain tocwi trigo ca wixicaracao' mi' wa pain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam. Howa ac cacain na, ac ca mi caca na quem. Win ne ca mi ne arain trigo ma'. Mi 30 na wirain ma'. Mi 60 na wirain ma'. Mi 100 na wirain ma' quem. Ac i ma' na ca horon tiquin' caca pain ca howa nucucun. Ac i ma' na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Lucas 13:9

Am mi ta' ne pain xijein cawaxi'. Mo ta om mi ne, ta' cat pin ac xin tara ta non. Ac i ma' na ca pijim' joc mam' mi' tococwa pain panaji figo ca om mi winain pane.

Lucas 8:15

Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Lucas 8:8

Oro wirain tocwi trigo ca camara' to nain macan' ca awi ma' iri na ne, hwara' pin ac ne na, mi xo' tamana ac ne na. Pain ca xica' pe ne arain ma', mi 100 na tocwi quem. Tomi' ac tococwa na: Mo ta taraju pa' xixi' na hwe ma', je ta taraju wet qui' hwe ta tata.

João 15:16

Om ca wahu' ne co tora' pan napa' pain ca taxipa' xun mahu' ma', om na. Wata' pan co tora' nuhu'. Mi' inuhu' pain ca taramaja wa quem. Wawaran mama' je, pijim' mi' jujun pain capija oro wari' ta inuhu'. Howa cara ac caca tara co howa nanapa' pahu' inuhu' quem. Mo ta tomi' ha' mahu' pain ca mi' xuhu' pain ca taramaja wa ca'. Mo ta tomi' ca' hun Te ma': Mi' naparut pain ca tomi' urut pum Panxima Jeju ta, mo ta tomi' ac i ma' hun pata', ha' ac cuhu' tara pain carawa ca mi' xut pain hun ma'. Mi' mi' pi' pin turuhu' pain.

João 8:47

Wari' co te non Iri' Jam ma', tomi' ha' nain capijacon. Wahu' iri na ne, om ca tomi' ha' hwein capijacon Iri' Jam. Xi te hun ta na ca tomi' tococwa ma'.

Atos 16:14

Pe nain i ma' narima' co taraju wet naparut quem. Lídia na wixicam. Maqui' nain Tiatira, je i ma' wixinain cidade nequem. Vender taxipa' non wom co awi tamana. Iri' wom cam, ca paca' nucun womicocon co caramaju nana ma', wirico co vender taxipa' cama ma'. Wara tomi' ha' paxi' non Iri' Jam Lídia ma'. Taraju iri nain ca tomi' nucun Paulo ne, mi' pan ac cam na pain ca taraju pa' wa Taramaxicon nexi', howa pin ac cama na.

Atos 17:11

Oro judeu co to nanain Bereia ma', jimama' ca' nonon oro judeu co to nanain Tessalônica. Xumu xo' nana, tomi' querec te tamana nana pain ca taraju cacain ca pijim' nucun Paulo con Silas ma', pain ca pijim' cacain capijacon Iri' Jam con Jeju. Tama' noro nanain capijacon Iri' Jam ca xirao' to caca oro profeta pane, tama' noro noro nanain pain oro xijein xec. Am iri'o' ne cocon, am om iri'o' ne cocon, noro xin quem, ma' ta querec pin' xin cocon ta pan nana.

2 Coríntios 9:10

Noro jun co ma', pain ca mi' cain oro tocwi ca oin' wa ma', je pain ca mi' cain carawa ca cao' wa ma' quem. Ac i ma' na pain ca mi' hwara' mi' hwara' tiquin' cuhu' pain oro carawa ma' quem. Ha' ac cuhu' tara pain ca xiram pa' xiram pa' tiquin' huhun oro co ximin nana pain ca om cocon carawa ma' quem.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Filipenses 4:17

Tomi' hwet e' inuhu' pain, om ca mam' mami' xine pain carawa me xuhu' ca', om na. Param e' inon Iri' Jam pain ca ara mi' tamana cuhu' pain ca awi wa, xi om ne ca quep xiho' ara mahu' ta.

Colossenses 1:10

Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

1 Tessalonicenses 4:1

Tomi' xun urut pahu' pain i ca' quem xere. Wara hu urut pahu' pain ca xuruxut xo' je, ma' ta hohot hun Iri' Jam ta urut pahu' pane. Querec pin' paxi' urut pahu' pain ca tomi' ha' maparut quem. Xuruxut xo' hwe ma' ira. Ane hu ca' urut pahu' pain xocori ca' ne. Win ne ca tomi' jujun caparut Taramaxicon nexi' Jeju cwa'. Xuruxut xo' cara je me urut pahu'. Win xumu win xumu tiquin' jein ca xuruxut xo' wa ta urut pahu'.

2 Tessalonicenses 2:10

Mixein tamana totoron oro wari', mam' mixein totoron pain ca ara cain oro ca om awi wa. Oro wari' co mixein xi' wawa ma', xumu tatarain cote ne xe. Xi om ne ca noc ara cacain capijacon Iri' Jam ca iri'o' ta. Mo xi howa cacain capijacon Iri' Jam ca iri'o' ma', witan pin ac caca xira.

Hebreus 4:2

Taraju ara xi' irin capijacon Iri' Jam pain ca to' witan xuhu' ta capari' quem. Win caca oro hwanana nexi' pane. Taraju paxi' nanain, ane om howa cacain ne. Je ca om ja' tomi' querec te ac tococwa pain oro ca taraju cacain pane.

Hebreus 6:7

Noro jein macan' pain xitot ma'. Pan' ho' pan' ho' iri na xowi' ne, tototoc ac nein na com, mi xo' ac ne na oro ca oin' ca waximain, cao' cao' ac cacain na quem. Iri' Jam ma', param mi' nain pain ca awi wa xitot ca ac i ma' ma'.

Hebreus 8:10

Maqui' iri tara oro xec nein xocori ca tomi' xo' ne ne, pain ca tomi' xo' mami' toton ta' oro waram winacon Israel ma', tomi' ca' ac toton tara ta na Taramaxicon Iri' Jam. An pe xo' mi' xuhu' pain ca coromicat nuhu' oro capija ca tomi' ha' je xuhu' ta. Ac ca xirao' pe mi' xuhu' tara pain xumuhu'. Iri' Jam ne ac mahu' tara, oro wari' ne ac xuhu' tara quem.

2 Pedro 3:18

Xuruxut xo' xuruxut xo' tiquin' e' je, ma' ta querec pin' hun Taramaxicon nexi' Jeju Cristo co to' witan napari' cwa', co xiram pa' e' napari' cwa'. Tomi' hwet xin ca awi nucun pain xocori ca', tomi' hwet cara xin ca awi nucun pain oro xec ca maqui' ta' ma' quem. Amém, iri'o' na ca tomi' ne ta. Je i ca' ca xirao' ne ca'.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.