Mateus 13:17 - Tradução Bíblica Pacaas Novos

¹⁷ Je ca tomi' xuhu' ca', tomi' iri'o' inuhu' ta ac caparut na: Mija nana oro profeta cocon oro wari' nucun Iri' Jam cara pane, co querec xixin na nanain oro ca querec hwe pain xocori ca'. Ane om querec cacain ne. Mija nana co taraju xixin na nanain oro ca taraju hwe pain xocori ca'. Ane om taraju cacain ne na ca tomi' caparut pane.

Mateus 13:17 Iomraidhean Croise

Lucas 10:23

Tucu in hwet ac tococwa na co taxipa' ca ma', tomi' ac tococwa na. Xica' to nana, om nonon xucun wari'. Param mi' nuhu' pain ca awi wa Iri' Jam ma', xi querec ara hwein oro ca ara ta' ca'.

Lucas 10:24

Je ca tomi' xuhu' ca' ac tococwa na. Mija nana oro profeta cocon oro taramaxicon cara pane, co querec xixin na nanain oro ca querec hwe pain xocori ca'. Ane om querec cacain ne. Mija nana co taraju xixin na nanain oro ca taraju hwe pain xocori ca'. Ane om taraju cacain ne na ca tomi' tococwa ma'.

João 8:56

Hwanana nuhu' Abraão cara pane, tomi' querec te tamana napa' pain ca maqui' tain macan' ca'. Querec napa' pain ca maqui' ne. Tomi' querec te ac capa' na quem na ca tomi' tococwa ma'.

Hebreus 11:13

Howa howa pi' pin nana oro co wara tomi' pe wawa pane. Howa howa, aram aram cono' pin ac caca na quem. Om paxi' na ca ara mi' tococwa pain oro ca wara tomi' pe mi' tococwa pain ca e' e' wet nucucun pane, ane howa cara caca ne. Main ara mi' tarapari' pain ta nonon Iri' Jam. Ac ca querec pira cacain na. Winim' nanain, tomi' querec te nanain. Tatirim e' urut, om ca wari' nein macan' ca' urut ta nana.