Mateus 13:15 - Tradução Bíblica Pacaas Novos

¹⁵ Xi coromicat xo' je na hwe ta. Ac ca tatep pa' hwein na tarajuhu'. Ac ca pi'am to hwe na quem. Xi miri'om ara mahu' ta. Mo xi om ac i ma' hwe, ha' ac cuhu' xira pain ca querec pin' mahu'. Ha' ac cuhu' xira pain ca taraju wet mahu'. Ha' ac cuhu' xira pain ca taraju pa' hwe pain iri' xumuhu'. In hwet ac mahu' xira, to' witan ac xuhu' xira quem. Ac i ma' na ca tomi' ca Iri' Jam pane, pain ca xirao' pe cain ca tomi' nucun profeta Isaías cara pane ta naparut.

Mateus 13:15 Iomraidhean Croise

Marcos 4:12

Ma' ta hwet pin ne ca xirao' pe nucun profeta cara pane. Ca' na con pane: Querec paxi' nana, ane om querec pin' caca ne. Taraju taraju paxi' nana, ane om taraju pa' caca quem ne. Mo xi taraju pa' caca, in hwet ac cocon Iri' Jam xira, xic am pin ac xine xira ca caracat nucucun ta. Ac i ma' na ca xirao' pe nucun profeta cara pane ta na ca tomi' tococwa ma'.

Lucas 19:42

Wa inuhu' me ac tococwa na. Mo xi ma' ne xumuhu' pain xec ca', mo xi querec pin' hwein carawa ca to' om pin tain nain ca toron ne xumuhu' ma'. Ane om na mami' cuhu' pain xocori ca' ne. Xi howa je na hwe ta. Ac ca om ne na tucuhu', ac ca joc xim xihwe na pain ca querec pin' hwein quem.

Atos 28:27

Xi coromicat xo' je na hwe ta. Ac ca tatep pa' hwein na tarajuhu'. Ac ca pi'am to hwe na quem. Xi miri'om ara mahu' ta. Mo xi om ac i ma' hwe, na ac cuhu' xira pain ca querec pin' mahu'. Na ac cuhu' xira pain ca taraju wet mahu'. Na ac cuhu' xira pain ca taraju pa' hwe pain iri' xumuhu'. In hwet ac mahu' xira, to' witan ac xuhu' xira quem. Ac i ma' na ca tomi' cocon hwanana nexi' Tamataracon Iri' Jam pane ta tata.

Atos 3:19

Je ca tomi' xuhu' ca' ac tococwa na. Cwirin' pin je. Coromicat ni pin je. Howa jun Iri' Jam, ma' ta xic am pin cain ca caracat nuhu'.

Atos 7:57

Merem ac caca na: Noc urut pain ca taraju wa, tatep pa' ac cacain na taraxicocon. Jein hwet jein hwet pi' pin ac cocon na.

2 Timóteo 4:4

Om ta taraju wet je na cacain capijacon Iri' Jam ca iri'o'. Taraju wet e' tatarain oro ca pijim' ximama' wa ca pijim' caca oro hwanana.

Hebreus 5:11

Mija mija wet paxi' na ca tomi' xo' xim xuhu' con Jeju cwa', pain ca an xiho' con Melquisedeque cara pane. Ane i'ina capa' pain ca tomi' xo' xuhu' ne, xi taraju wet hwe ta. Ac ca horoman pin cuhu' na ca taraju wa.

Apocalipse 22:2

Weweweo ac nain ximijain wana ca xuruxut ac caca oro wari' ma', pain ximijain cidade ma'. To nain cacarain com panaji memem ca mi' nain ca e' cara wa, pain xijein cacarain, je pain xijein cacarain ma' quem. Oro winain memem ca mi ne ma', mi mi xam' non oro panawo', mi mi hwet pa' nain xijein cawaxi' quem. Oro tenenein ma', je ca mam' to' om pin xine ca caxi nucucun oro wari' co to nanain oro xijein macan'.