Mateus 12:44 - Tradução Bíblica Pacaas Novos

⁴⁴ In hwet ton wari' co wara corom pe ho' ta' cara pane ac xucun na. In hwet iri non ne, tomi' querec te ac ca na. Awi na curucun co cwa' ta, ac xirim ca awi tamana, ac xirim ca ton ho' awi tequipain ta na co cwa' ta. Om na xucun jam co corom pe ho' non quem ac xucun na.

Mateus 12:44 Iomraidhean Croise

Mateus 12:29

Je ca tomi' xuhu' ca' ac tococwa na. Noro jun wari' co cut noc xa tain nain caramaxicon waximain xirim co hwara' opa ma'. Ha' toron pain ca cut noc xa e' cain caramaxicon pain ca om pao' pe querec con ra? Om ta ha' con. To' pa hot pin iri tarain manain xiricon ne, pao' pe ac con tara waximain, ha' pin ac con tara pain ca cut noc xa pi' pin cain caramaxicon.

Mateus 12:43

Tomi' xun caxicon jam co corom pe ho' non wari' ma' ac tococwa na. Hwet ca' iri non ne, xut ximao e' ac cain na mahweri ca om pe ne com. Xao pe wa tain xumu paxi' na. Noro noro, om iri na ca mam' cain ca xao pe wa pe ne ximicon ne.

Mateus 12:45

Hwet mao mami' ac ca na, o qui' 7 ac tococwa na oro win caxicon jam ca co om awi camain' nana ma'. Maji ta, corom to ho' xun co cwain co wara corom pe ho' ta' pane ac tococwa na, corom to ho' pin ac cocon na quem. Pan tem paxi' na caxicon jam co o pan nonon oro win caxicon jam ca ma', ane pan teretem tamana pan caca co o qui' ca ma' ne. Ximin tamana pin ac ca na wari' pain ca corom to ho' cocon ma' quem. Ca ma' xica' pe qui' con caxicon jam pane, amon ximin pije' paxi' na ira. Pain ca ma' mija pin cocon ma' iri na ne, ximin tamana pin ac ca na quem. Je ca tomi' xuhu' pain ca wari' nuhu' pain oro xec nexi' ca' ac tococwa na. Main ac i ma' turuhu' Caxicon Jam quem. Wara ximin paxi' hwe. Ame hwe e', main to' ximin mip pin turuhu'. Xi cwirin' hwein ca caracat tamana nuhu' pain ca om howa mahu' ta na ca tomi' cocon oro wari' Jeju pane.

Lucas 11:25

In hwet iri non ne, tomi' querec te ac ca na. Awi na curucun co cwa' ta, ac xirim ca awi tamana, ac xirim ca ton ho' awi tequipain ta na co cwa' ta ac xucun na.

João 12:6

Om paxi' na ca xiram pa' cocon co om nonon carawa Judas ma'. Tomi' ac i ma' e' na, xi om ne ca an noc xa taxipa' ara ca ta. Wirico ara xi' na co querec wet nain dinheiro nuxut, an noc xa wijimain an noc xa wijimain ac cain na quem.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 13:27

Cao' pin iri nain Judas ne, corom hwet pin ac con na Caxicon Jam quem. Tomi' ac con na Jeju: Ara hap rain ca ara ta' ma ma' na ca tomi' con ma'.

1 Coríntios 11:19

Taxi' ara xi' irin i ca' quem, pain ca na e' ne pain ca coromicat ni ca' xujuhu' pain ca tomi' caracan xujuhu' ma'. Ma' ta querec pin' tococwa oro co win howa hwe pain ca hohot cocon Iri' Jam ta.

Efésios 2:2

Pan teretem taxipa' hwe, je curuhu' pane. An xiho' e' huhun oro wari' co om howa nonon Iri' Jam. Tomi' ha' taxipa' hun Caxicon Jam co taramaxicon pe ho' nonon oro caxicon jam co taramaja mi' nonon pain nanawin ma'. Wirico Caxicon Jam co taramaja pe ho' nain ximicocon oro wari' co om tomi' ha' camain' nana cwa', wirico co tomi' ha' hwe pane.

1João 2:19

Co ari nonon Cristo pain ca noc cocon ma', cut in wi paxi' nanapari' pane, ane om iri' win ma' ne cacapari' pain ca howa nexi' con Cristo ne. Je ca paca' cacapari' pane. Mo xi iri' win ma' ne cacapari' con Cristo ma', je xi momon cut in cut in cara cacapari' quem. Ane paca' cacapari' ne. Je ca querec pin' tococwa pain ca om win ma' ne cacapari' con Cristo.

1João 4:4

Je ca tomi' xuhu' ca', pain ca ac ca mana panxita' xuhu' ne ca'. Wari' nucun Iri' Jam hwe ta. To' quiji' pin huhun oro co pijim' mixein nana ma'. Xi om ne ca hwara' opa ara ne Tamataracon Iri' Jam ca win cwere nuhu' ta. Hwara' opa tiquin' ca' non Caxicon Jam co win cwere nonon oro co om howa nonon Jeju ma'.