Mateus 12:34 - Tradução Bíblica Pacaas Novos

³⁴ Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Mateus 12:34 Iomraidhean Croise

Mateus 12:35

Noro jun wari' co awi ca coromicat nucun ma'. Ac ca cut toco' xo' cain na ca awi ne capijacon pain ximicon, an hwet ac cain na pain ca tomi' nucun. Wari' co om awi ca coromicat nucun ma' iri na ne, ac ca cut toco' xo' cain na ca om awi ne capijacon pain ximicon, an hwet ac cain na pain ca tomi' nucun quem.

Mateus 15:18

Ca tomi' nuhu' ca hwet qui' nain capijahu' pain ca tomi' ximama' nuhu' ma' iri na ne, maqui' nain xumuhu'. Je i ma' ca to' em' nuhu' ta. Je ca om querec hohot cuhu' Iri' Jam quem.

Mateus 23:33

Mija hwe xin ta ac tococwa na. An xiho' hun em' co huru caxi. Ma' na ca witan ca' ac hun Iri' Jam pain ca wixicaracao' mi' xim cuhu' pain cote ne xe ra?

Mateus 3:7

Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Lucas 3:7

Mija nana wari' co hwet nonon João pane, ma' ta ja' capari' pain com ta nana. Om ca paric camain' caca. Hwet iri nonon ne, tomi' ac tococwa na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Lucas 6:45

Ac i ma' nana oro wari' quem. Wari' co awi ca coromicat nucun ma', ac ca cut toco' xo' cain na ca awi ne capijacon pain ximicon, an hwet ac cain na pain ca tomi' nucun. Wari' co om awi ca coromicat nucun ma' iri na ne, ac ca cut toco' xo' cain na ca om awi ne capijacon pain ximicon, an hwet ac cain na pain ca tomi' nucun quem. Je ca tomi' xuhu' ca': Carawa ca coromicat taxipa' iri' pain iri' ximixi' ca', je ca tomi' hwet iri' pain ca tomi' nexi' ca' quem na ca tomi' tococwa ma'.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

Efésios 4:29

Ta tomi' xirac camain' hwe me. Tomi' xo' e' je. Ma' ta to' hwara' opa huhun oro win ma' nuhu' pain carawa ca to' i'ina nonon ma'. Ma' ta quep xiho' huhun oro wari' co taraju nunuhu' ma' quem.

Efésios 5:4

Ta tomi' hwein caji topac me. Ta tomi' ximama' hwe me. Ta tomi' ximama' tatam' pin huhun oro wari' pain carawa ca om awi hwe ta. Om ca hohot ne i ma' pahu'. Ta ac i ma' hwe me. Tomi' querec te pan e' jun Iri' Jam pain oro carawa ca mi' cuhu' ma'.

Tiago 3:2

Camara' camara' pi' pin ara xi' iri', xi om ne ca ma' taxipa' ara capari' oro xijein ca caracat wa ta. Wari' co om pan' ma', pain ca om tomi' pan tem ca ma', wirico co iri' wari' ta. Ximicon hwanana na, xi om ne ca miri'om taxi' ara cain ca param nucun. Om ca ara e' cain ca param nucun.

1João 3:10

Je i ca' ca to' querec pin' napari' ca jimama' ca' xucucun mana panxica Iri' Jam cocon mana panxica Caxicon Jam: Wari' co om ara xo' taxipa' ma', co noc non win howa ca ma' quem, om ca panxica Iri' Jam ca co ma'.