Mateus 12:2 - Tradução Bíblica Pacaas Novos

² Ma' nana oro fariseu co querec nanaparut pain ca caracat urut pain quem. Taramaja nana ra ac xucucun na, tomi' ac cocon na Jeju: Noro roron co taxipa' ma ma'. Taramaja nana pain sábado ca', pain ca caracat cacain xirinain trigo ma'. Tomi' caho' ara xi' napari' ca xirao' nucun Moisés pain ca taramaja wa pain sábado ta nonon.

Mateus 12:2 Iomraidhean Croise

Mateus 12:10

Pe nain i ma' wari' co xirac micon ma'. To nanain i ma' oro fariseu co tocojin' nonon Jeju quem. Ja' noro nonon. Je ca tomi' querec cocon ma': Hohot tara pain ca quep xio wa pain sábado ra? Om ca tomi' caho' capari' pain Iri' Jam ra na ca tomi' cocon ma'.

Mateus 12:3

Om na ta ac ca na Jeju. Om ca noro hwein capijacon Iri' Jam ra, pain ca pijim' xine ca ara ca taramaxicon Davi cara pane, pain ca pe' qui' ca Davi cocon oro win ma' ca pane?

Marcos 2:24

Ma' nana oro fariseu co tomi' ca' nonon Jeju ma': Noro roron co taxipa' ma ma'. Para taramaja caca pain sábado ca', pain ca caracat cacain xirinain trigo ma'? Tomi' caho' ara xi' napari' ca xirao' nucun Moisés pain ca taramaja wa pain sábado ta na ca tomi' querec cocon ma'.

Lucas 14:3

Jeju ma', tomi' querec ac cocon na oro fariseu cocon oro co ca' na taxipa' nanain ca xirao' nucun Moisés. Hohot tara pain ca quep xio wa pain sábado ra? Tomi' caho' napari' pain i ma' ca xirao' nucun Moisés ra? Ac i ma' paxi' na ca tomi' querec tococwa ma'.

Lucas 23:56

In mama' ac cacamain na xirim ca to pan cacama pain Jerusalém ma', ara xo' ac cacamain na oro waraqui pana ca hu xain tamana ma' quem. Tacana to ac cacama na pain sábado ma', pain ca xao to wa cacamain ximicacam ma'. Win ne ca tomi' capari' Iri' Jam pain ca xirao' nucun Moisés cara pane nana.

Lucas 6:2

Ma' nana oro fariseu co tomi' ca' nonon: Para taramaja hwe pain sábado ca', pain ca caracat hwein xirinain trigo ma'? Tomi' caho' ara xi' napari' ca xirao' nucun Moisés pain ca taramaja wa pain sábado ta na ca tomi' querec cocon ma'.