Mateus 12:18 - Tradução Bíblica Pacaas Novos

¹⁸ Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 12:18 Iomraidhean Croise

Mateus 12:17

Quep xio pin tata oro wari', ma' ta hwet pin ne ca wara tomi' pe ca profeta Isaías cara pane, pain ca xirao' pe cain ca tomi' nucun Iri' Jam pane. Ca' na con:

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Marcos 1:11

Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Marcos 9:7

Hwet qui' ac ne na tajain nanawin. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co om noc camain' ta' cwa'. Taraju wet jun ta na ca tomi' nucun.

Lucas 23:35

Noro nana oro wari' co coco' to nanain i ma' quem. Oro taramaxicon ma' quem, tatam' nonon Jeju, tomi' xirac ca' nonon: Quep xiho' nonon oro wari' pane. Mo xi Cristo ca, mo xi wara tora' iri'o' con Iri' Jam pane, je i ma' xira ca quep xiho' pan xucun quem na ca tomi' xirac cocon ma'.

Lucas 3:22

Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

Lucas 9:35

Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co tora' ta' cwa'. Taraju wet jun ta na ca tomi' nucun.

João 3:34

Jeju co mao rain macan' ca Iri' Jam pane, tomi' hwet nain iri' ca tomi' nucun Iri' Jam. Xi om ne ca mi' ara con pain oro ca hwara' opa nein Tamataracon.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 11:18

Taraju iri nanain ca pijim' nucun ne, tomi' napat tomi' napat om pin ac cocon na Pedro. Tomi' querec te pin nonon Iri' Jam quem. Awi na Iri' Jam ta nana. Wa wa urut con pain ca xiram pa' cocon oro wari' co om judeu nana ta. Xiram pa' inuhu', ma' ta cwirin' pin hwein ca caracat nuhu', ma' ta e' cara hwe pain pawin ta cocon ma' ira, ac i ma' na ca tomi' caca pain ca tomi' querec te nucucun ma'.

Atos 14:27

Tan' mama' iri nanain Antioquia ne, tomi' cut in ac tococwa na co howa nonon Jeju ma'. Tomi' hwet ac tococwa na pain oro ca ara pan ca Iri' Jam ma', pain ca quep xiho' cocon pain ca pijim' cacain capijacon ma', je pain ca mi' pan tococwa pain ca howa wa oro wari' co om judeu nana ma' quem.

Efésios 1:6

Je ta tomi' querec te xun pain ca quep xiho' tamana capari' ta. Xi xiram pa' pan ara capari' pain ca mi' e' capari' pain ca win cwere pin xun Cristo co om noc ca ma'.

Colossenses 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Xi om ne ca wirico ara ca Iri' Jam co param mi' napa' pain ta. Wata', wirico coxari' Timóteo cwa', ca' urut pain ca xirao' mi' urut pahu' ca'.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

1Pedro 2:4

Wixicam pin hun Taramaxicon nexi' Jeju co an xiho' nain pacun ca e' ma', ca to' teren nain xirim. Noc urut pum ta paxi' nonon oro wari' pane, ane tora' pan con Iri' Jam ne. Hohot tamana ara xi' mapa' ta non pane.

2 Pedro 1:17

Wirico Cotere' Iri' Jam co mam' tomi' non Panxica pain ca hwara' opa tamana pan nucun pain ca an hwet pe cain ca awi nucun pain ca mi' con pain ca toc meremem nucun pane. Tomi' ca' non: Mon cwa' panxita' co om noc camain' ta' cwa'. Hohot tamana napa' ta na ca tomi' con.