Mateus 12:15 - Tradução Bíblica Pacaas Novos

¹⁵ Taxi' nonon oro fariseu Jeju quem. Taxi' nonon pain ca to' pa' pin xun cocon ma'. Je ca mao ni ca' tococwa ma'. Ja' ja' ac cocon na oro wari'. Mija nana co ja' ja' nonon. Quep xio quep xio xam' ac tococwa na quem.

Mateus 12:15 Iomraidhean Croise

Mateus 10:23

Mo ta quep em' to cucuhu' pain cidade ca to hwe ma', jein mama' ac hwein tara xijein cidade. Tomi' pe mi' inuhu' pain i ca' quem: Om ta mama' pi' pin querec hwein oro xijein cidade pain Israel ca', maqui' pa' ac xuhu' tara. Wata' pain ca Iri' Wari' ta' ca', maqui' pa' ac xuhu' tara pain ca taramaja taramaja wet nuhu' ta naparut.

Mateus 19:2

Mija nana wari' co ja' ja' nanaparut. Quep xio quep xio xam' ac tococwa na co caxi nana ma'.

Marcos 6:56

Je curucucun pane. Oro ca mao nucun Jeju ma', pain ca hwet cocon oro wari' co to nanain oro ca paric to ne xirim ma', je pain oro cidade ma', je pain oro xitot ma' quem, jain jain nana oro wari'. Cut qui' tata co caxi nana ma', an to to ac tococwa na pain ca xao to to caca oro wari' pain ximijain cidade ma'. Ta narain ho' maparut pain ca quep urut pum ca', quep e' xut con cacaracon womum ma' ac cocon na Jeju. Co quep nonon pain cacaracon womicon ma', xio xio pi' pin ac caca na quem.

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 6:12

Om ca pain homa ne, mo tomi' ton Te ta ac ca na Jeju, mao ac cain na pacun. Tomi' ac con na, tomi' tomi' xec pa' ac con na quem.

Lucas 9:11

Ane taxi' pin cocon oro wari' ne. Maji cocon ta ac caca na, ja' ja' ac cocon na quem. Hwet iri nonon ne, tomi' querec te pan ac tococwa na. Tomi' hwet ac tococwa na con Iri' Jam pain ca taramaxicon pe ho' xim capari' ca'. Quep xio pin ac tococwa na co caxi nana ma' quem.

João 11:54

Je ca mo mo pe ca' cocon oro wari' Jeju ma' quem. Om ca xut mao pe mami' cain Judeia. Maji pain oro xijein cidade ca to ja' pan nain mahweri cain ac caparut na pain ca taxipa' urut con ca', hwet ac urut cocon na oro wari' co to nanain ca paric to ne xirim pain Efraim. Mon to wet ac urut pain na i cain con.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

João 9:4

Pain ca toha toha wet ca xina cwa', na e' na pain ca ara xin ca ara je capari' Iri' Jam co hwet roron oro wari' ta napa' ma'. Xim pin ta' iri na quem. Xim pin iri na ne, om ta taramaja mami' ac iri'.

Gálatas 6:9

Om ta horoman capari' ca quep xiho' caracan xijexi' pain ca ara mi' xijexi' pain ca awi wa ta. Mo ta om naro iri' pain, mo ta ara mi' ara mi' tiquin' xijexi' pain, main cut ac xin tara carawa ca mi' xim capari' Iri' Jam.

1Pedro 2:21

Je ara xi' na ca wara param mi' cuhu' pain ca xo' howa xine ta qui' cuhu' pain cara pane. Mo ta quep em' ximama' xihwe, je i ma' ira je, quereme ac hwein tara ta nuhu'. Xi om ne ca quereme ara ca Cristo pain ca quep em' ximao pan tocwa pain ca mi' pin caho' cuhu' pane ta. Win ta' pane, an xiho' xine pain ca quereme ta' pane nuhu' quem.