Mateus 12:12 - Tradução Bíblica Pacaas Novos

¹² Je ca tomi' xuhu' ca': Hohot paxi' na pain ca quep xiho' xine ovelha ma', ane hohot tamana pan ne pain ca quep xiho' tocwa wari' ne. Je ca taxi' xin i ca': Hohot na pain ca ara xin ca awi wa pain sábado ta. Om ca tomi' caho' capari' pain Iri' Jam ta ac tococwa na.

Mateus 12:12 Iomraidhean Croise

Mateus 10:31

Je ca tomi' xuhu' ca' ac caparut na. Win ne ca querec wet cain wijimain me ma'. Ane awi tiquin' ca' hwein ca mija nein wijimain me con ne. Je ca tomi' xuhu' ca': Ta jin' huhun oro wari' co quep em' xim nunuhu' ma' me ta na ca tomi' caparut ca'.

Mateus 6:26

Noro jein oro me ca toin mama' nein pawin ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Cotere' co pe pawin ne. Je ca tomi' xuhu' ca': Querec wet paxi' nain oro me Cotere' ma'. Ane querec wet tamana pan cuhu' ne.

Marcos 3:4

Tomi' querec ac tococwa na co tocojin' nonon ma'. Cain' cain' xixi' pain xec nein ca xao to wa ne ca xumu wa ca' quem? Ma' ca ara je capari' Iri' Jam quem? Om ca hohot ne pain ca quep xiho' xun wari' ra? Hohot na pain ca quep em' xun ra? Om ca hohot ne pain ca to' witan xun ra? Hohot na pain ca to' pa' pin xun ra? Ac i ma' na ca tomi' querec tococwa ma'. Hehe ac caca na quem. Om ca tomi' camain' caca.

Lucas 12:24

Noro jein oro me ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Iri' Jam ne. Je ca tomi' xuhu' ca': Querec wet paxi' nain oro me Iri' Jam ma'. Ane querec wet tamana pan cuhu' ne.

Lucas 14:1

Xijein sábado pin iri na ne, pain ca xao to wa taxipa' cacain ximicocon oro wari' ma', tomi' ac con na Jeju fariseu ma', co hwara' opa ma'. Hap ra, cao' pe ho' ne pain xuru ca' non, hwet ac con na. Oro win ma' ca fariseu ma', ja' noro nonon Jeju pain oro ca tomi' nucun je pain oro ca ara nucun quem.

Lucas 6:9

Tomi' ac tococwa na co tocojin' nonon ma': Tomi' querec xim inuhu'. Cain' cain' xixi' pain xec nein ca xao to wa ne ca xumu wa ca' quem? Ma' ca ara je capari' Iri' Jam quem? Om ca hohot ne pain ca quep xiho' xun wari' ra? Hohot na pain ca quep em' xun ra? Om ca hohot ne pain ca to' witan xun ra? Hohot na pain ca to' pa' pin xun ra na ca tomi' querec tococwa ma'.