Mateus 12:11 - Tradução Bíblica Pacaas Novos

¹¹ Tomi' ac tococwa na: Am ma' ca win ma' nuhu' co wina nain ovelha ma'. Cain' cain' ta' ca pain ca pan' mao nein man ovelha nucun pain sábado ma' quem? Om ta taramaja ca ra? Om ta an hwet tain cain ra?

Mateus 12:11 Iomraidhean Croise

Mateus 12:1

Om ca pain homa ne, maqui' ac ne na xec nein ca xao to wa urut pain xumuxut, pain sábado ma'. Maji ta ac caparut na Jeju, xuruxut mama' ac urut pain na totain trigo. Warut pain ca taxipa' urut con ca', pe' ac urut na quem. Je ca caracat urut pain xirinain trigo ma'. Caracat urut pain, cao' ac urut pain na tocwi.

Lucas 14:5

Tomi' querec ac tococwa na: Mo ta ma' ca win ma' nuhu' co pan' mao nain manain com panxica pain sábado ma', am boi nucun ma', mo ta pan' mao nein manain com boi nucun pain sábado ma', om ta an piri' hap cain ra? Om ta an piri' hap ca' con pain manain com panxica co pan' mao nain ra? An piri' hap ca' toron pain ta na ca tomi' tococwa ma'.