Mateus 12:10 - Tradução Bíblica Pacaas Novos

¹⁰ Pe nain i ma' wari' co xirac micon ma'. To nanain i ma' oro fariseu co tocojin' nonon Jeju quem. Ja' noro nonon. Je ca tomi' querec cocon ma': Hohot tara pain ca quep xio wa pain sábado ra? Om ca tomi' caho' capari' pain Iri' Jam ra na ca tomi' cocon ma'.

Mateus 12:10 Iomraidhean Croise

Mateus 12:2

Ma' nana oro fariseu co querec nanaparut pain ca caracat urut pain quem. Taramaja nana ra ac xucucun na, tomi' ac cocon na Jeju: Noro roron co taxipa' ma ma'. Taramaja nana pain sábado ca', pain ca caracat cacain xirinain trigo ma'. Tomi' caho' ara xi' napari' ca xirao' nucun Moisés pain ca taramaja wa pain sábado ta nonon.

Mateus 19:3

Ma' ac caca na oro fariseu co xuruxut hwet nonon ma'. Am tomi' xo' ca, am om tomi' xo' ca quem nonon. Je ca tomi' querec cocon ma'. Hohot na pain ca an pe ximao wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Marcos 3:2

To nanain i ma' co tocojin' nonon Jeju quem. Je ca ja' noro cocon ma'. Quep xio ton tara pain xec nein ca xao to wa ne ca xumu wa ca' ra? Om ta quep xio ton ca ra, ac i ma' na ca coromicat nucucun.

Lucas 11:54

Ja' noro nonon, tomi' querec ximama' ac cocon na quem. Mo ta tomi' pan tem ca, tomi' em' ac xun tara cocon oro taramaxicon ta nana, ac i ma' paxi' nonon pane.

Lucas 13:14

Mana' ac ca na co querec wet nonon oro win judeu ca pain xirim ca cut in to xucucun ma'. Mana' non Jeju. Xi om ne ca quep xio pin ara cam narima' pain sábado ta. Je ca tomi' tococwa oro wari': Ma' 6 napari' xec pain ca taramaja je capari' Iri' Jam. Je i ma' tara oro xec ca maqui' hwe pain ca quep xio taraparut ta hun Jeju cwa'. Ta quep xio taraparut ta hun pain sábado me ta tata.

Lucas 20:22

Je ca tomi' querec xim urut pum ca' ac cocon na. Hohot na pain ca pagar tocwa pain imposto taramaxicon nucucun oro romano ra? Om ca hohot ne ra? Ac i ma' na ca tomi' querec ximama' cocon ma'.

Lucas 23:14

tomi' ac cocon na: O mi' iri mahu' con wari' cwa' ne, tomi' em' ac hun na. Ja' teretem nonon oro wari' ta hun. Ta tomi' ha' hun taramaxicon nucucun oro romano nonon ta hun. Ta pagar hun pain oro imposto me nonon ta hun. Taraju paxi' mahu' pain ca tomi' querec ton pain ca ara nucun quem, ane om mam' camain' tain ca pan tem wa con ne. Je xi om tomi' em' hun quem?

Lucas 23:2

Tomi' em' ac cocon na: Tomi' querec urut con wari' cwa'. Taxi' pin urut con pain ca ja' teretem cocon oro win ma' nuxut cwa' quem. Ta tomi' ha' hun taramaxicon nucucun oro romano me, ta pagar hun pain oro imposto me ta nonon. Wata' co Cristo ta, iri' taramaxicon ina ta nonon, ac i ma' na ca tomi' em' cocon ma'.

João 5:10

Je ca tomi' cocon co ma' co quep xio wa oro taramaxicon ma': Sábado na xec ca'. Om ca na ne pain ca an main witam pain xec ca' nonon.

João 5:3

Je ca toco' to caca co caxi nana ma'. Mija nana. Ma' nana co om tococon. Ma' nana co caji at nana. Ma' nana co carama to nana. (Winim' nanain ca meo ne com ma'.

João 7:23

Taramaja paxi' hwe pain ca wac xirac hwein taparinain ca xirac nucucun hwijima' pain xec nein sábado ma'. Om na, ane xirao' mi' capari' Moisés pain ca ma' 8 pin ne xec nucucun pane ne, na e' na pain ca wac xirac xin, ma' ta om ari xin ca xirao' nucun Moisés ta ac hwe na. Je xi om mana' mahu' pain ca quep xio pin ton wari' pain xec nein sábado ca' quem?

João 8:6

Wara tomi' xo' ca' xucucun con: Tomi' querec xun e'. Mo ta tomi' pan tem ca, na ac capari' tara pain ca em' na ta xun ta nana. Ac i ma' paxi' na ca wara tomi' xo' xucucun, ane miri'om tococwa ne. Wina quiji' na, xirao' ac cain na macan' pain micon.

João 9:16

Ma' ac caca na oro fariseu co tomi' ca' nana quem: Om ca maqui' con Iri' Jam co ara nain i ma'. Xi taramaja ara ca pain xec nein ca xao to wa ne ca xumu wa ca', pain ca ta taramaja hwein me ta capari' ca' na ca tomi' caca ma'. Tara con ac caca na oro xucucun ma' quem. Mo xi caracat ca, om xi ara taxi' ac i ma' cain carawa ca om ara taxi' ne ca wari' wa ta. Ac i ma' na ca coromicat ni ca' xucucun.