Mateus 11:5 - Tradução Bíblica Pacaas Novos

⁵ Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 11:5 Iomraidhean Croise

Mateus 10:8

Quep xio pin jujun oro wari' co ma' nonon caji nan, wiricoco oro wari' co ma' nonon oro xijein ca caxi wa quem. To' e' mami' jujun co cono' pin nana, tomi' jein pin jujun oro caxicon jam nucucun oro wari' quem. Ta pagar xut me huhun oro wari' co quep xiho' hwe me, xi pagar xine pan xuhu' pain ca mi' e' xuhu' pain ca hwara' opa nuhu' ta.

Mateus 11:4

Je i ca' ca tomi' xo' cocon Jeju: In hwet jun João ta. Tomi' hwet ac hun tara pain oro ca taraju hwe ca', je pain oro ca querec hwe ca' quem.

Mateus 12:13

Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con. Ac wirain pin na, awi pi' pin na con.

Mateus 21:14

To nanain i ma' co om tococon. Ma' nana co caji at nana ma' quem. Hwet ac cocon na Jeju pain ca tao' caho' nein xiricon Iri' Jam ma', quep xio pin ac tococwa na quem.

Mateus 5:3

Param mi' tata pain ca awi wa oro wari' co ximin nana ma', xi wari' ne ara tococwa pain ca taramaxicon pe ho' xun tococwa ma'.

Mateus 9:30

Querec mami' ac caca na quem. Tomi' mip ac tococwa na: Ta tomi' hwet huhun pain oro wari' me ta tata.

Marcos 7:37

Wa wa tamana ac cocon na oro wari'. Oro ca ara ca ma', awi tamana na ta nana. To' taraju pin non wari' co om taraxicon ma', to' tomi' pin non wari' co om capijacon ma' quem ta na ca tomi' caca ma'.

Marcos 9:25

Querec iri tata oro wari' pain ca jein hwet cocon ne, tomi' in pin ac con na caxicon jam nucun pije'. Tomi' mip inem ta caxicon jam. Wum co to' om pin nain capijacon pije' cwa'! Wum co to' om pin nain taraxicon ca' quem! Paca' ron ta! Ta corom in hwet camain' mon me ta na ca tomi' con ma'.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

João 10:25

Wara tomi' xo' xuhu' ne ira, ane om howa mahu' ne ac tococwa na. Noro jein oro ca ara ta' ca', ca ara ra capa' Te ca'. Mo xi querec pin' hwein con, querec pin' ac mahu' xira quem.

João 10:38

Om paxi' na ca howa mahu' pain ca tomi' ne ca', ane ara e' tain ca ara ra capa' Te ne. Je xi howa mahu' pain ca querec pin' hwein oro ca ara ta' ca' quem, pain ca ara tain ca om ara taxi' ne ca wari' wa ca'? Querec pin' ac mahu' xira pain ca win cwere capa' Te. Querec pin' ac mahu' xira pain ca win cwere ton ca' quem na ca tomi' tococwa ma'.

João 2:23

Pe pe wet nain Jerusalém Jeju pain oro xec nein Páscoa ma', pain ca tomi' querec te wi urut pain ca judeu urut ca'. Mija pin nana oro wari' co howa nonon quem. Howa nonon, xi om ne ca querec ara cacain oro ca ara ca pain ca an hwet pe cain ca hwara' opa nucun pain ca ara cain oro carawa ca om ara taxi' ne ca wari' wa ma'.

João 3:2

Hwet ton Jeju ta ac ca na, xut hwet towa ac con na. Tomi' xim inem Taramaxicon co pijim' mi' taxipa' nonon pain capijacon Iri' Jam ac con na. Taxi' urut pum pain ca maqui' mon Iri' Jam. Taxi' urut pum pain ca ca' na roron pain capija oro wari' quem pane. Xi an hwet pe taxi' ara main ca hwara' opa wa pain ca ara main oro ca om ara taxi' ne ca wari' wa ta. Mo xi om pe ho' quem Iri' Jam ma', om xi ara ac main oro ca ara ma ma' na ca tomi' con ma'.

João 5:36

Ane ma' capa' xijein carawa ca to' querec pin' napa' pahu' ne, hwara' opa tiquin' ca' nain ca tomi' ca João pane, pain ca to' querec pin' capa' pahu' ac tococwa na. Oro carawa ca ara ta' ca', ca ara rain capa' Te cwa', je ca to' querec pin' napa' pahu'. Querec iri hwein oro carawa ca ara ta' ca' ne, querec pin' ac mahu' na pain ca hwet roron oro wari' ta capa' Te cwa' pahu'.

João 9:7

Tomi' ac con na: Mao rain wijimain xuterem' ma', ca Siloé caca oro wari' ma'. Hohoc ac main tara tucum na ca tomi' con ma'. Mam' napari' pain cominain Siloé Iri' Jam ta nanain wijimain xuterem' oro wari' ma'. Je ca o' ma' mi' cacain quem, je ca tomi' mao ne ca Siloé wa ma'. Ma ac ca na, mao ac cain na wijimain xuterem' ma', hohoc ac cain na tocon. Querec pin' ac ca na. In mao ac cain na xiricon quem.

Atos 2:22

Taraju wet xine me oro win ma' ne pain ca wari' nein Israel iri' ca' ac cocon na oro wari' Pedro. Tomi' hwet xuhu' con Jeju cara pane, co maqui' nain Nazaré pane. Taxi' hun pain ca tora' iri'o' con Iri' Jam pane, xi mi' ara con pain ca ara cain carawa ca om ara taxi' ne ca wari' wa pane. Wa wa tamana hun quem. Xi querec ara hun pain ca ara cain ta. Querec pin' hun pain ca hwara' opa nucun quem.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.