Mateus 11:4 - Tradução Bíblica Pacaas Novos

⁴ Je i ca' ca tomi' xo' cocon Jeju: In hwet jun João ta. Tomi' hwet ac hun tara pain oro ca taraju hwe ca', je pain oro ca querec hwe ca' quem.

Mateus 11:4 Iomraidhean Croise

Mateus 11:3

Tomi' querec ca' jun: Wum tara co wara tomi' pe ca Iri' Jam pane ra, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata. Hwet ac cocon na, tomi' querec ac cocon na quem.

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 15:30

Mija nana wari' co xuruxut hwet nonon. Om ca paric camain' caca. Cut qui' nonon oro co caji at nana ma', co om tococon ma', co om capijacocon ma' quem. Cut qui' mija nonon co ma' nonon oro xijein ca caxi wa ma' quem. An to ja' pan ac cocon na pain caximacon Jeju. Quep xio quep xio xam' ac tococwa na.

Mateus 21:14

To nanain i ma' co om tococon. Ma' nana co caji at nana ma' quem. Hwet ac cocon na Jeju pain ca tao' caho' nein xiricon Iri' Jam ma', quep xio pin ac tococwa na quem.

Mateus 8:3

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin con na caji nan.

João 14:11

Howa xine pain ca tomi' xuhu' ca': Win cwere inon Te. Win cwere napa' quem. Mo ta om howa mahu' pain ca taraju hwein ca tomi' ne ca', je xi howa mahu' pain ca querec hwein oro ca ara ne ca' quem?

João 5:36

Ane ma' capa' xijein carawa ca to' querec pin' napa' pahu' ne, hwara' opa tiquin' ca' nain ca tomi' ca João pane, pain ca to' querec pin' capa' pahu' ac tococwa na. Oro carawa ca ara ta' ca', ca ara rain capa' Te cwa', je ca to' querec pin' napa' pahu'. Querec iri hwein oro carawa ca ara ta' ca' ne, querec pin' ac mahu' na pain ca hwet roron oro wari' ta capa' Te cwa' pahu'.