Mateus 11:3 - Tradução Bíblica Pacaas Novos

³ Tomi' querec ca' jun: Wum tara co wara tomi' pe ca Iri' Jam pane ra, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata. Hwet ac cocon na, tomi' querec ac cocon na quem.

Mateus 11:3 Iomraidhean Croise

Mateus 11:10

Wirico João co xirao' pe ca profeta pane, pain ca xirao' pe cain ca tomi' nucun Iri' Jam pane, pain ca tomi' capa' pain ca main mao rain macan' ta capa' pane. Ca' na ca xirao' pe nucun pane: Main tomi' ton wari' co tomi' hwet tain nain capija ca'. Tomi' ca' ton pum: O ra ta ton, tomi' xo' ac tococwa tara oro wari' pum. Ma' ta winim' xo' quequem. Ac ca wara ara xo' cain wanajum ma' tara pain ca tomi' xo' tococwa oro wari' pum ta. Ac i ma' na ca xirao' pe ca profeta pane, pain ca xirao' pe cain ca tomi' xo' capa' Iri' Jam con João pane na.

Mateus 11:4

Je i ca' ca tomi' xo' cocon Jeju: In hwet jun João ta. Tomi' hwet ac hun tara pain oro ca taraju hwe ca', je pain oro ca querec hwe ca' quem.

Mateus 21:5

Tomi' jujun oro wari' co to nanain Jerusalém ma'. Taraju wet je! Hwet nuhu' taramaxicon nuhu' ta! Om ca xec xec ca. Xao pe pe nain xonein wijimain burro. Ac i ma' na ca tomi' pe ca profeta pane.

Mateus 21:9

Merem ac caca na oro wari', wiricoco co o nonon ma', wiricoco co maqui' nana pa'ao' ma' quem, merem ca' nana: In ac xun Winacon Davi cwa'. Tomi' querec te xun co cwa' co mam' maqui' nain ca hwara' opa nucun Iri' Jam cwa'. In ac xun Iri' Jam co pe nain iri' pawin cwain ta. Ac i ma' na ca merem nucucun.

Marcos 11:9

Merem ac caca na co o nonon ma', wiricoco co maqui' nana pa'ao' ma' quem, merem ca' nana: In ac xun Iri' Jam ta! Tomi' querec te xun co cwa' co mam' maqui' nain ca hwara' opa nucun Iri' Jam cwa' nana.

Lucas 19:38

Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.

João 11:27

Howa ina ta Taramaxicon ne ac cama na. Howa inem pain ca Cristo ma ma', pain ca Panxica Iri' Jam ma ma', pain ca mao rain macan' ta qui' quem Cote ma pane na ca tomi' con ma'.

João 12:13

Ton cut qui' ac cacain na tahot, xuruxut cam' ac cocon na, merem ac caca na: In ac xun Iri' Jam ta. Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. Tomi' querec te xun co cwa' co taramaxicon pe ho' napari' pain ca wari' nein Israel iri' cwa' na ca merem nucucun.

João 16:14

Oro ca tomi' ne pain ca coromicat ne ca', an hwet mi' ac cuhu' pain tara. Ac i ma' tara ca an hwet mi' cuhu' pain ca hwara' opa ne ca', je pain ca awi tamana ne ca' quem.

João 4:21

Howa ne pain ca tomi' xim ca' narima' ac cam na. Wixicam pin ta' ara xi' na xec pain ca om in ac pe mami' tocwa Iri' Jam pain pacun ca'. Om ta in ac pe mami' tocwa pain Jerusalém quem.

João 6:14

Querec iri nanain i ma' oro wari' ne, pain ca an hwet pe cain ca hwara' opa nucun ma', pain ca tomi' hwara' pin cain capam' con hwam ma', tomi' ac caca na: Wirico co cwa' xin profeta co xirao' pe caca pain cara pane, co main maqui' tarain macan' ca' caca pane. Wirico ma' ira nana.

João 7:31

Mija paxi' nana oro wari' co om howa nonon ma'. Ane mija caca co howa pin nonon quem ne. Tomi' ca' nana: Wirico co Cristo ta, xi ma' ca xucun co maqui' ta' ma', co hwara' opa tiquin' ca' non pain ca an hwet pe cain ca hwara' opa nucun pain ca ara taxi' cain ca om ara taxi' ne ca wari' wa ta na ca tomi' xucucun.

Hebreus 10:37

Je ca tomi' capari' capijacon Iri' Jam ca': Maqui' ta' iri na co ma' co maqui' ta' ma'. Om ta om om ca, maqui' ho' ta' na.