Mateus 11:2 - Tradução Bíblica Pacaas Novos

² Wara tao' pe ta pain xirinain ca tao' to tao' to to wa João ma', co ja' taxipa' nonon pain com oro wari' pane. Je ca taraju pe con Jeju ma' quem: Awi tamana na oro ca ara ca Jeju ta na ca taraju nucun. Taraju iri nain ne, tomi' ac tococwa na co taxipa' ca ma'. Mo tomi' jun Jeju e'.

Mateus 11:2 Iomraidhean Croise

Mateus 1:17

Ac i ma' nana oro hwanana nucun Jeju pane. Ma' 3 na ca cut in to ni cut in to ni xam' xucucun oro waram winacocon hwanana nucun. Wanxi' cain' non Isaque Abraão, wanxi' tiquin' wanxi' tiquin', ma' 14 pin iri na ca wanxi' tiquin' nucucun waram winacocon ne, hwet ac cocon na Davi. Wanxi' ac con Salomão na Davi. Wanxi' tiquin' wanxi' tiquin', ma' 14 pin iri na ca wanxi' tiquin' nucucun ne, hwet ac cocon na Jeconias cocon oro win ma' ca co cut mama' wawa pain Babilônia. Caram ma' iri nana ne, wanxi' tiquin' wanxi' tiquin', ma' 14 pin iri na ca wanxi' tiquin' nucucun ne, hwet ac cacam na Maria co wijima non Cristo pane.

Mateus 14:3

Coromicat ac i ma' paxi' non Jeju Herodes ma', ane wara mi' pin ca João ne. Ca' na ca mi' pin nucun João pane. Herodes ma', an pin nam manacon coxa' ca ma', Filipe ma'. Herodias na wixicam. Je ca tomi' ho' tomi' ho' con Herodes João ma' quem. Tomi' caho' nem pain ca an wa manacon coxa' ma Iri' Jam ta non pain ca pan to' cain taraxicon. Quep jun ta ac tococwa na oro soldado nucun ma' quem. Quep jun, pao' pe jun, tao' pe jun pain xirinain ca tao' to tao' to to wa ta tata.

Mateus 4:12

Taxi' pin iri non João Jeju ne, pain ca tao' pe pin tocwa ma', in mao ac cain na Galileia.

Mateus 9:14

Maqui' ac caca na co taxipa' ca João ma', co ja' taxipa' com ma', tomi' ac cocon na Jeju: An to taxipa' urut pain ca cao' wa, ma' ta tomi' xun Iri' Jam urut. Ac i ma' nana oro fariseu ma' quem. Para om ac i ma' caca co taxipa' ma ma' quem nonon.

Marcos 6:17

Ac i ma' na ca coromicat nucun Herodes con Jeju ma', xi wara quep ara con João pane ta. Quep jun, pao' pe jun, tao' pe jun pain xirinain ca tao' to tao' to to wa ta tata oro wari' nucun pane. Xi om ne ca noc pan ara con João Herodias ta. Wara an paxi' nam Herodias Filipe ma', coxa' ca Herodes ma'. Ane an pan cam Herodes ma' ne.

Lucas 3:19

Pan to' nain taraxicon Herodes ma', co taramaxicon ma'. Xi om ne ca an pin ara cam Herodias ma', co narima' ne ca coxa' ca ma'. Ma' na oro xijein ca om awi wa ca ara ca quem, je ca pan to' cain taraxicon.

Lucas 9:7

Taramaxicon Herodes ma', taraju ac cain na ca tomi' nucucun oro wari' pain ca tomi' hwet cacain oro ca ara ca Jeju. I'ina ac ne na ximicon. Cain' cain' xira con ne na, xi ma' ara caca wari' co tomi' ca' nana ma': Om na, wari' co taraju hwe ma', wirico João cara pane, e' mami' tara João cara pane ta nana.

João 4:1

Mija nana wari' co ja' ja' nonon Jeju ma', mija nana co ja' ca pain com quem, ac i ma' na ca tomi' caca oro wari' pane. Taraju nana oro fariseu ma' quem. Mija tiquin' ca' nonon co ja' ja' nonon João ma', mija tiquin' ca' nonon co ja' pan ca pain com João ma' quem na ca taraju caca oro fariseu.