Mateus 11:16 - Tradução Bíblica Pacaas Novos

¹⁶ Ma' co an xiho' caca oro wari' pain xocori ca' quem ac tococwa na. Om na, pijim' joc mam' mi' xuhu' cocon wari' co an xiho' caca cwa'. An xiho' nonon oro hwijima' co merem caracan xucucun pain ca waraju nucucun. Xao to nanain ca xao to to caca oro wari' pain ximijain cidade, merem ac xucucun na.

Mateus 11:16 Iomraidhean Croise

Mateus 11:15

Mo ta taraju pa' xixi' na hwe ma', je ta taraju wet qui' hwe ta na.

Mateus 11:17

On mi' paxi' urut pahu' pain xuwiwio' ca', ane om pi' xirao' hwe ne, ac i ma' na ca merem nucucun hwijima'. Merem ac xucucun na quem: Awaran waraju xi' paxi' urut pahu' pain ca ac ca mi' pin ca ne win ma' nexi' cwa' urut pahu', ane om awaran hwe ne. Ac i ma' na ca merem nucucun oro hwijima' pain ca om ha' xucucun pain ca waraju nucucun.

Mateus 12:34

Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Mateus 23:36

Je ca tomi' xuhu' ca', tomi' iri'o' inuhu' ta ac tococwa na. Wap turuhu' Iri' Jam ta, wap turuhu' pain ca wari' nuhu' pain xocori ca'. Xi om ne ca pan teretem tamana ara caca oro hwanana nuhu' pane ta na ca tomi' tococwa pain ca pan to' cain taraxicocon.

Mateus 23:7

Tomi' querec te xo' tatarapari' oro wari' co xao to to nanain ximijain cidade quem nana. In ac tatarapari' pain ca ca' na xuxun pain capijacon Iri' Jam ta nana quem.

Mateus 24:34

Om ta cono' cono' pi' pin querec caca oro wari' co e' e' wet nana pain xocori ca', hwet pa' ac cocon tara oro ca tomi' hwet xuhu' ca'. Tomi' iri'o' inuhu' ta.

Marcos 12:38

Ca' na iri tata pain capijacon Iri' Jam ne, tomi' ac tococwa na: Ma' tara xumuhu' me, ta an xiho' huhun oro co ca' na taxipa' nanain ca xirao' nucun Moisés ma'. In ac tatarapari' oro wari' ta nana. Je ca to taxipa' cocon wom co awi tamana, mam' xuruxut in mam' xuruxut in nonon quem. Tomi' querec te xo' tatarapari' oro wari' co xao to to nanain ximijain cidade quem nana.

Marcos 4:30

Tomi' mami' ac ca na: Ma' carawa ca ara ne pain ca taramaxicon pe ho' cocon oro wari' Iri' Jam quem? Main xi ca pijim' wa ca pijim' joc mam' mi' xuhu' pain quem? Taraju wet je e', an xiho' nain ca pijim' mi' xim xuhu' ca'.

Lucas 11:43

Wa inuhu' me oro fariseu ac tococwa na. Ximin hwe ta. Wap tamana turuhu' Iri' Jam. Xi param ara hwein ca xao to xo' wa cocon oro taramaxicon pain oro xirim ca cut in to xujuhu' ma'. Tomi' querec te xo' tatarapari' ta huhun oro wari' co xao to to nanain ximijain cidade quem.

Lucas 13:18

Tomi' querec ac tococwa na: Ma' carawa ca ara ne pain ca taramaxicon pe ho' cocon oro wari' Iri' Jam quem? Ma' carawa ca an xiho' nain quem?