Mateus 11:11 - Tradução Bíblica Pacaas Novos

¹¹ Je ca tomi' xuhu' ca', tomi' iri'o' inuhu' ta ac tococwa na. Iri' wari' na João co ja' taxipa' com, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta.

Mateus 11:11 Iomraidhean Croise

Mateus 11:10

Wirico João co xirao' pe ca profeta pane, pain ca xirao' pe cain ca tomi' nucun Iri' Jam pane, pain ca tomi' capa' pain ca main mao rain macan' ta capa' pane. Ca' na ca xirao' pe nucun pane: Main tomi' ton wari' co tomi' hwet tain nain capija ca'. Tomi' ca' ton pum: O ra ta ton, tomi' xo' ac tococwa tara oro wari' pum. Ma' ta winim' xo' quequem. Ac ca wara ara xo' cain wanajum ma' tara pain ca tomi' xo' tococwa oro wari' pum ta. Ac i ma' na ca xirao' pe ca profeta pane, pain ca xirao' pe cain ca tomi' xo' capa' Iri' Jam con João pane na.

Mateus 11:12

Pijim' paxi' nonon oro wari' João pane, pijim' mi' paxi' nonon con Iri' Jam co taramaxicon pe ho' pin ton nonon quem. Ane noc urut con ta cocon Iri' Jam ne. Noc urut con pain ca taramaxicon pe ho' caparut ta nana. Je curucucun pane, pain ca xo' pijim' ten qui' ca pane, mao ac ne ma' na cocon, noc urut con noc urut con wet nana pain xocori ca' quem. To' quiji' pin xun nonon oro wari' co taramaxicon pe ho' ca Iri' Jam quem.

Mateus 3:1

Pain pin iri na ne, maqui' ac ne na oro xec nein ca ja' taxipa' com João pane, pain ca pijim' pe cain mahweri pain Judeia pane.

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Mateus 5:19

Je ca tomi' xuhu' ca' ac tococwa na. Oro wari' co om tomi' ha' nanain oro ca tomi' nucun Iri' Jam ca tomi' ha' je capari', iri' wijimain ca xirao' nein paxi' tara ca om tomi' ha' caca ma'. Mo ta tomi' ca' tococwa oro win ma' ca quem: Ta tomi' ha' hwein me ta, mo ta tomi' ac i ma' cocon oro win ma' caca ma', ximin pan ac caca tara. Om ta hwara' opa camain' caca pain ca taramaxicon pe ca Iri' Jam, coco' e' tatara. Ane om ac i ma' ne cocon oro wari' co tomi' ha' nana ne. Mo ta tomi' ha' cacain oro ca tomi' nucun Iri' Jam ca tomi' ha' je capari'. Mo ta tomi' ha' jein ta cocon oro win ma' caca quem. Hwara' opa tatara caram ma', hwara' opa to tatarain ca taramaxicon pe ca Iri' Jam ta.

Lucas 1:15

Xi hwara' opa ta' ara ca pain ca taramaja mi' ton con Iri' Jam ta. Om ta na camain' ne pain ca toc cain ca mana' nein comi uva je oro tocwa ca mana' ma' quem. Pe ho' mip toron Tamataracon Iri' Jam, wara pe ho' mip toron pain ca xo' pan' qui' nucun.

Lucas 7:28

Je ca tomi' xuhu' ca' ac tococwa na. Iri' wari' na João, hwara' opa na. Om na xucun wari' co tiquin' ca' non pain ca hwara' opa nucun, om nana oro hwanana co hwara' opa tiquin' ca' nonon quem, om om paxi' nana. Ane hwara' opa tiquin' ca' pan con João wari' co om hwara' opa camain' ne, co taramaxicon pe ho' ca Iri' Jam pain ca howa capa' ma', hwara' opa tiquin' ca' pan non João ta na ca tomi' tococwa ma'.

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

João 1:15

Tomi' hwet nonon oro wari' João pane, tomi' hwet mi' nonon con co ma' co capijacon Iri' Jam na wixicon. Ca' na ca tomi' cocon pane: Wirico co tomi' hwet xuhu' pane. Tomi' ca' inuhu' pane: Wara maqui' ina. Maqui' ta' pa'ao' na xucun co hwara' opa tiquin' ca' napa'. Xi om ne ca wara ma' ara ca pain ca om pan' querec ta' pane na ca tomi' tococwa ma'.

João 1:27

Wirico co wara tomi' hwet xuhu' pane. Tomi' ca' inuhu': Wara maqui' ina. Maqui' ta' pa'ao' na xucun na ca tomi' xuhu' con pane. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' tococwa ma'.

João 10:41

Mija ac caca na oro wari' co hwet nonon pain i cain quem. Tomi' ca' nana: João cara pane, om paxi' na ca an hwet cain ca hwara' opa wa pane, om paxi' na ca ara cain ca om ara taxi' ne ca wari' wa pane. Ane iri'o' ne oro ca tomi' hwet nucun con Jeju ne. Iri'o' iri'o' pi' pin na con ta na ca tomi' caca ma'.

João 3:30

Je ca tomi' xuhu' ca' ac tococwa na. Na e' na pain ca hwara' opa tamana pin ca Jeju pain ca mija pin caca co taxipa' nonon ta. Na e' na pain ca wijimain pin ne ca hwara' opa ne ca' quem, pain ca paric to pin cacapa' co taxipa' nanapa' cwa' na ca tomi' tococwa ma'.

João 5:35

João cara pane, ac naran na. Ac ca toha ca na pain ca pijim' ca pane. Win ne ca toha ne naran ca tom ma', ac i ma' na ca toha mi' cuhu' pain xumuhu' pane. Tomi' querec te paxi' hwein ca pijim' nucun pain ca an xiho' cain naran pane quem tata.

João 7:39

Tomi' mi' nain Tamataracon Iri' Jam ca mi' xun tococwa co howa nonon ma'. Om ca mi' querec tococwa pain, xi mi' pin querec ca Jeju ta. Om ca e' mami' querec ca, om ca in hwet querec con Cote ca, om ca taramaxicon wi querec con pain pawin quem.

1 Coríntios 15:9

Xi awi ta' pane ta. Awi tiquin' ca' nanapa' oro xucucun apóstolo. Om xi apóstolo ra capa' Iri' Jam pane, om xi pijim' hwet rain capija camain' capa' pane. Xi quep em' taxipa' ara toton oro co howa nonon Iri' Jam con Jeju pane ta.

1 Coríntios 6:4

Je ca tomi' xuhu' ca': Ma' iri nuhu' oro ca to' ara cup xujuhu' pain i ma' ne, wijimain paxi' na ca to' i'ina nuhu' ma', om xi tomi' xo' xut pain me huhun oro juiz co om howa nonon Jeju ta.

Efésios 2:3

Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

2 Timóteo 1:10

Je win an hwet mi' capari' pain ca xiram pa' nucun quem. Xi maqui' pin ara ca Cristo Jeju co to' witan pin napari' cwa'. To' om pin nain ca hwara' opa nein ca mi' pin wa. An hwet mi' ac capari' na pain ca e' nucun quem. To' querec pin' napari' pain i ca' quem: Mo ta howa xin capijacon Iri' Jam ca tomi' hwet napari' pain ca to' witan xim capari' Cristo Jeju cwa', e' cara ac iri' tara pain pawin ta.

Hebreus 11:40

Xi ma' ara ne ca coromicat xo' mi' capari' cocon ta. Awi tiquin' ca' nain ca wara coromicat xo' mi' tococwa oro hwanana cara pane. Ca' na ca coromicat xo' nucun pari': Om ta ara mi' ho' toton pain ca wara tomi' pe ne ca' napari'. Winim' xuhu' pain ca aram aram howa xim mahu', to' hohot wi ac xuhu' cocon tara ta napari'.

1Pedro 1:10

Oro profeta co tomi' hwet nanain oro ca tomi' hwet je tococwa pane, pain ca main to' witan e' turuhu' Iri' Jam ta cocon oro wari' pane, i'ina na ximicocon pain ca cain' cain' xira ne caca, je pain ca cain' xi to' witan ac tococwa ne caca pahu', noro noro ac cacain na capijacon Iri' Jam.