Mateus 10:6 - Tradução Bíblica Pacaas Novos

⁶ Pirao' e' jujun oro wari' nein Israel ma', co an xiho' nanain ovelha ca pan' ara'am ma'.

Mateus 10:6 Iomraidhean Croise

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:11

Je ca maqui' ta' ca' ac ca na. Wata' pain ca Iri' Wari' ta' ca', maqui' ina, ma' ta to' witan toton inonon oro wari' co pan' ara'am nana ta naparut.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

Atos 18:6

Ane tomi' in pin pan cocon ne. Tomi' napat nonon quem. Je ca wap camara' cain ximirinain macaracocon con womicon Paulo ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam con Jeju ta tata. Tomi' ca' tata: Mo ta wap cuhu' Iri' Jam ma', pain ca noc hun Jeju ma', om ca wata' ne co em' ma' pahu'. Wahu' co em' pan nana ta. Maho' pin inuhu' pain ca judeu hwe ma'. Pijim' pijim' om xuhu'. Pijim' mi' ho' toton pain capijacon Iri' Jam con Jeju oro wari' co om judeu nana ta na ca tomi' tococwa ma'.

Atos 26:20

Pijim' cain' inonon co to nanain Damasco, pijim' ac toton na co to nanain Jerusalém, wiricoco co to nanain oro xijein cidade pain Judeia ma' quem. Pijim' inonon co om judeu nana quem. Cwirin' jein ca caracat nuhu', howa jun Iri' Jam quem inonon. Ara jein ca awi wa, ma' ta querec pin' xihwe pain ca cwirin' pin hwein ca caracat nuhu' ta inonon pain ca pijim' toton pane.

Atos 3:26

Je ca tomi' xuhu' ca' ac tococwa na. Iri' Jam ma', mam' napari' con Jeju co tama' taramaja mi' non pane. Mam' cain' napari' con pain ca judeu iri' ca'. Ma' ta ara mi' momon pain oro ca awi wa ta non pari'. Ma' ta cwirin' cwirin' pi' pin cacain oro ca caracat nucucun pum ta non pari'. Ac i ma' na ca pijim' cocon oro wari' Pedro pane.

1Pedro 2:25

An xiho' paxi' hwein ovelha ca xuruxut ximama' pane, ane cwirin' pin hwe ne. Coco' tucu in hwet hun co ma' co querec wet nuhu' ma', co narain ho' taxi' nuhu' pain oro ca om awi wa ma'.