Mateus 10:5 - Tradução Bíblica Pacaas Novos

⁵ Tomi' xo' ac caparut na pain ca taxipa' urut con ca', pain ca 12 urut ca'. Ta mama' hwein ca to caca co om judeu nana pain ca aram aram tomi' hwet xun huhun pain capija oro wari' me ta. Ta mama' camain' hwein oro cidade nucucun oro wari' nein Samaria quem me.

Mateus 10:5 Iomraidhean Croise

Mateus 22:3

Tomi' ac tococwa na wari' nucun ma', co taramaja mi' e' nonon ma'. Harahap je jujun oro wari' co wara tomi' ta' pane, pain ca cao' querec te wi xijexi' e' toton pane tata. Ma ac caca na, mama' ac caca na. Tomi' paxi' tata, ane noc urut pain ta caca ne.

Mateus 4:15

Je ca tomi' toton oro co om judeu nana ma', co to nanain Galileia ma', co to nanain macarain Zebulom je Naftali ma', co to nanain wanaji cote ne com ma', pain xijein cacarain Jordão ma'.

Marcos 6:7

Harahap je, tomi' xuhu' ta ac tococwa na co taxipa' ca ma', co ma' 12 nana ma'. Wawaran mama' je pain oro xijein macan' ta ac tococwa na. Mama' 2 mama' 2 xam' je pain ca hwet xun huhun oro wari' ma', pain ca cwirin' jein ca caracat nuhu' ta huhun ma'. Mi' inuhu' pain ca tomi' jein pin huhun oro caxicon jam ta na ca tomi' tococwa ma'.

Lucas 10:1

Om ca pain homa ne, tomi' xo' ac tococwa na oro xucucun co taxipa' ca ma'. Wirico Taramaxicon nexi' co tomi' xo' nonon. Ma' 72 nana co tomi' xo' ca ma': Main mao tain oro xijein cidade cain, mao tain oro ca to pan caca oro wari' ma' quem ac tococwa na. Wara mama' 2 mama' 2 xam' je, maqui' ta' pa'ao' ac tococwa na.

Lucas 10:33

Aram aram maqui' ac cain wana na wari' nein Samaria. Hwet pin ac con na co terem' pe nain i ma'. Querec iri non ne, xiram pa' ac con na.

Lucas 17:16

Pe torotop mi' ac con na pain caximacon. Tomi' querec te tamana inem pain ca to' xio mapa' ca' ac con na. Co ma' co to' xio wa ma', om ca judeu ca. Wari' nein Samaria na.

Lucas 9:1

Tomi' cut in ac tococwa na co taxipa' ca ma', co ma' 12 nana ma'. Mi' inuhu' pain ca tomi' jein pin huhun oro caxicon jam, je pain ca quep xio pin huhun oro wari' co caxi nana ta ac tococwa na.

Lucas 9:2

Pijim' mi' jujun pain ca taramaxicon pe ho' toton cocon oro wari' Iri' Jam ta. Quep xio pin jujun co caxi nana quem ac tococwa na.

João 17:18

Hwet jujun oro wari' pain oro xijein macan' ca' inonon. Win mapa' pane, pain ca hwet roron oro wari' pain macan' ta mapa' pane.

João 20:21

Tomi' mami' ac caparut na: Ta toron ne xumuhu' me ta naparut. Pijim' hwet jujun pain capija oro wari' ta inuhu'. Win ne ca pijim' hwet roron pain capija oro wari' ta capa' Te pane naparut.

João 4:20

Oro hwanana nuxut cara pane, in ac to taxipa' nonon Iri' Jam pain pacun ca', pain ca pe torotop mi' cocon ma' ac con na. Wahu' iri na ne, pain ca judeu hwe ma', tomi' ac hwe na: Na e' na pain ca in ac pe tocwa Iri' Jam pain Jerusalém ta, ac i ma' na ca tomi' hwe ma' non.

João 4:5

Xuruxut tiquin' xuruxut tiquin' ca' urut pain oro xijein cidade ca to nain Samaria, aram aram hwet ac urut pain na Sicar, je i ma' cidade ca hwet urut ma'. Sicar ma', pe ja' pan nain macaracon Jacó cara pane, ca mi' con panxica José pane.

João 4:9

He ac cama na. Para cam mi' ne pain com mapa' ma', pain ca wari' nein Samaria ta' ca' ac cama na. Xi judeu ara ma ta na ca tomi' con ma'. Tomi' ac i ma' na, xi om ne ca noc ara xucucun oro judeu cocon oro wari' nein Samaria ta.

João 7:35

Tomi' ac xucucun na oro taramaxicon nuxut pain ca judeu urut ca': Main xi mao ta' ca quem, pain ca om ta mam' ac mahu' ta capari' ma' quem? Hwet toton nonon oro win ma' nexi' co to ho' nonon oro tatirim ra? Ca' na toton pain capijacon Iri' Jam na ra?

João 8:48

Tomi' ac cocon na Jeju oro taramaxicon ma'. Iri'o' na ca tomi' urut pum pane ac cocon na. Caxicon wari' ma. Ac wari' nein Samaria ma. Corom pe ho' quem Caxicon Jam ma' ira nonon.

Atos 1:8

Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.

Atos 10:45

Wa wa ac caca na oro judeu co wara howa pin nonon Jeju ma', co ja' ja' nonon Pedro pain ca maqui' nucun ma'. Mi' nonon pain Tamataracon Iri' Jam caram cwa' co om judeu nana cwa' ra nana.

Atos 8:1

Saulo ma', hohot non pain ca to' pa' pin tocwa Estêvão ma'. Awi na ca to' pa' pin tocwa ta na. Je i ma' xec nein ca ja' tequi' quep em' tamana tococwa co howa nonon Jeju pain Jerusalém pane. Quep em' xuxun, quep em' tamana ac tococwa na, mao ac ne ma' na ca mana' tococwa. Jain jain tamana nana. Ja' wawaran ja' wawaran pi' pin ac tococwa na, wawaran mama' ac cacain na oro xijein cidade pain Judeia je pain Samaria. Xica' to nana oro apóstolo co to wet nana pa'ao' pain Jerusalém.

1 Tessalonicenses 2:16

To' i'ina nanaparut pain ca pijim' mi' urut cocon pain capijacon Iri' Jam oro wari' co om judeu nana ma', pain ca to' witan xim nuhu' Iri' Jam ta urut cocon ma'. Je curucucun. Mija pin na ca caracat nucucun. Cote ne pin na cocon. Mana' tamana pin nonon Iri' Jam. Mama' jein cote ne xe ta toton nonon quem.