Mateus 10:4 - Tradução Bíblica Pacaas Novos

⁴ Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'. Ma' ac ca na Judas Iscariotes ma' quem. Wirico Judas Iscariotes co quep xiho' nonon oro taramaxicon pain ca quep xun cocon Jeju ma', ame hwe e'. Ac i ma' urut pain ca taxipa' urut con Jeju pane, pain ca apóstolo je caparut pane.

Mateus 10:4 Iomraidhean Croise

Mateus 26:14

Win ma' nuxut ma', co to' 12 naparut pain ca taxipa' urut con Jeju cwa', co Judas Iscariotes caca oro wari' ma', hwet ac cocon na oro taramaxicon nucucun oro sacerdote.

Mateus 26:15

Tomi' ac cocon na: Cain' cain' ne moeda nein prata ca mi' xim mahu' pain ca quep xiho' xuhu' con Jeju quem? Tomi' mi' xuhu' con, quep ac hun tara ta nonon. Mi' 30 xut pum pain moeda nein prata con ta ac cocon na, cut mi' 30 ac cocon pain na quem.

Mateus 26:2

Taxi' hwein ca wixicam pin ne Páscoa. Ma' 2 pin iri tara xec ne, maqui' ac ne tara, ma' ac ca tara wari' co tomi' mi' xim napa' cocon oro taramaxicon. Tatatain mi' ac cacapa' tara pain pana. Wata' pain ca Iri' Wari' ta' ca', tatatain mi' tatarapa' pain pana, wa wa mi' pin pe ac tain tara ta na ca tomi' caparut.

Mateus 26:47

Tomi' tomi' wet na Jeju, maqui' ac ca na Judas ma', co to' 12 naparut pain ca taxipa' urut con Jeju cwa'. Mija nana wari' co ja' ja' nonon. Om ca paric camain' caca, mija nana. Wiricoco oro taramaxicon co hwet jun nonon. Mo nana: Oro taramaxicon nucucun oro sacerdote ma', oro taramaxicon nuxut pain ca judeu urut ca' quem, wiricoco co hwet jun nonon. Cut nana cote ne quit je pana ca mam' wap wa quem.

Mateus 27:3

Judas ma', co quep xiho' nonon oro taramaxicon pain ca quep cocon Jeju ma', taxi' pin iri nonon oro taramaxicon pain ca mi' pin ma' tara ne cocon Jeju ma' ne, tomi' xaxa' tamana ac ca na. Om xi tomi' mi' toton con pane ne na ca coromicat nucun. Mi' in hwet toton pain moeda nein prata ca mi' cacapa' cara ne, ca 30 ca' ne na, mo hwet ac tococwa na oro taramaxicon nucucun oro sacerdote cocon oro taramaxicon nuxut pain ca judeu urut ca' quem.

Marcos 14:10

Judas Iscariotes ma', co to' 12 nonon co taxipa' ca Jeju ma', hwet ac cocon na oro taramaxicon nucucun oro sacerdote. Tomi' ac cocon na: Quep xiho' xuhu' pain ca quep xun hun Jeju. Tomi' mi' xuhu' con ta nonon.

Marcos 14:43

Tomi' tomi' wet na Jeju, maqui' ac ca na Judas ma', co to' 12 nonon co taxipa' ca ma'. Mija nana wari' co ja' ja' nonon. Wiricoco oro taramaxicon co ja' ja' jun nonon. Mo nana: Oro taramaxicon nucucun oro sacerdote ma', oro co ca' na taxipa' nanain ca xirao' nucun Moisés ma', oro taramaxicon nuxut pain ca judeu urut ca' quem, wiricoco co hwet jun nonon. Cut nana cote ne quit je pana quem.

Lucas 22:3

Corom hwet ac con na Judas Caxicon Jam. Iscariotes na xijein wixicon Judas. To' 12 nonon co taxipa' ca Jeju ma'.

Lucas 22:47

Tomi' tomi' wet na Jeju, maqui' ac caca na oro wari'. Mija nana wari' co maqui' nana. Judas ma', co to' 12 nonon co taxipa' ca Jeju ma', wirico co o qui' nonon. Hwet pan ac con na Jeju Judas. Maqui' ina ta ac con na, xup ac con na.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 6:64

Je i ma' ira ac tococwa na. Taxi' inuhu' quem. Ma' nunuhu' co om howa nanapa' ma' na ca tomi' tococwa ma'. Tomi' ac i ma' na Jeju, xi wara taxi' ara tococwa pain cara pane, pain ca om taxipa' querec xine qui' tococwa pane. Wara taxi' tata co om howa xun nonon, wara taxi' non co quep xiho' toton nonon oro taramaxicon pain ca quep xun cocon ma' quem.

João 6:71

Tomi' mi' non Judas, panxica Simão Iscariotes. To' 12 paxi' naparut Judas Iscariotes. Ane quep xiho' toton cocon oro taramaxicon co quep xun nonon Jeju ne. Ame hwe e'.

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.