Mateus 10:3 - Tradução Bíblica Pacaas Novos

³ Ma' ac ca na Filipe con Bartolomeu con Tomé ma'. Wata' quem, pain ca Mateus ta' ca'. Cut in taxipa' inain oro imposto ca pagar je tococwa oro wari' pane ira. Ma' ac ca na Tiago panxica Alfeu ma'. Ma' ac ca na Tadeu ma'.

Mateus 10:3 Iomraidhean Croise

Mateus 18:17

Mo ta om ha' cuhu' quem, mo ta om cwirin' camain' ca pain ca tomi' hun ma', tomi' hwet ac momon tara pain oro win howa hwe pain ca cut in xujuhu' ma'. Mo ta om ha' camain' cocon oro win howa hwe pain ca cut in xujuhu' ma' quem, ac wari' co om howa non Iri' Jam maparut ta ac hun tara, ac iri' caxicon wari' co caracat maparut ta, xi cwirin' ra na ma ta ac hun tara ta na ca tomi' xo' caparut con co win howa iri' co caracat ma'.

Mateus 27:56

Mo nana: Maria Madalena ma', Maria jicon Tiago con José ma', jicocon mana panxica Zebedeu ma', ma' nana oro xequequem ma' quem, noro pira nonon Jeju.

Mateus 9:9

Mao ta' ta ac ca na Jeju, xut mao ac ca na. Xut xut, querec ac capa' na pain ca Mateus ta' ca'. Xao pe pe inain ca taramaja pe ta' ma', pain ca cut in tain oro imposto nucucun oro wari' ma'. Ja' ja' ne e' ac capa' na. Tequi' pe ac ta' na, ja' ja' ac ton na quem.

Marcos 15:40

Ma' nana oro narima' co noro pira nonon ma'. Mo nana: Maria Madalena ma', Salomé ma', Maria jicon Tiago con cwaji' ca José ma', ma' nana oro xequequem ma' quem.

Marcos 2:14

Xut xut tiquin' ac ca na, querec ac con na Levi ma', panxica Alfeu ma'. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju. Tequi' pe ac ca na, ja' ja' pin ac con na quem.

Marcos 3:18

Ma' ac ca na André con Filipe con Bartolomeu con Mateus con Tomé ma'. Ma' ac ca na Tiago panxica Alfeu ma'. Ma' ac ca na Tadeu ma'. Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'.

Lucas 18:10

Ma' 2 nana wari' co mama' nanain cote ne xiricon Iri' Jam. Tomi' xun Iri' Jam ta nana. Fariseu na xucun. Xucun ma' iri na ne, cut in taxipa' nain oro imposto.

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

Lucas 18:13

Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Lucas 19:2

Pe nain Jericó wari' co caramaju. Zaqueu na wixicon. Zaqueu ma', taramaxicon pe ho' nonon co cut in taxipa' nanain oro imposto cocon oro wari'.

Lucas 5:27

Jeju ma', quep xio pin iri non wari' co carama pe ne, hwet mao ac ca na, querec ac con na wari' co cut in taxipa' nain oro imposto. Xao pe pe nain ca taramaja pe ca ma', pain ca cut in cain oro imposto nucucun oro wari' ma'. Ja' ja' ne e' ac con na Jeju.

João 1:48

Cain' ca querec pin' ac mapa' ma' quem ac con na Natanael. Om na ta Natanael ac ca na Jeju. Pain ca om tomi' querec quem Filipe pane, wara querec inem pain ca xao pe pe main xiquijinain panajinain figo pane, ac i ma' na ca tomi' con ma'.

João 11:16

Tomi' ac caparut na win ma' nuxut Tomé ma', Tomé co Horoman Pe na xijein wixicon ma', tomi' naparut pain ca taxipa' urut con Jeju: Maji con, ma' ta cono' wi xun ta naparut.

João 14:22

Tomi' querec ac con na Judas ma', xucun Judas, om na Judas Iscariotes: Cain' cain' xima quem Taramaxicon ne? Para mi' e' xim maparut pain ca querec pin' urut pum pain iri' xumuxut quem? Je xi mi' momon pain ca querec pin' quequem oro xucucun wari' co om howa nenem quem na ca tomi' querec con ma'.

João 14:5

Taramaxicon ne ac con na Tomé. Om ca taxi' urut pum pain ca mao ta' ma ma' quem. Cain' xi querec pin' ac urut pain wana ca ac ta' ma ma' quem na ca tomi' con ma'.

João 14:9

Cain' cain' xima quem Filipe ac ca na Jeju. Pain cara pane ca pe ho' xuhu' ca'. Om ca querec pin' querec mapa' ra? Wari' co querec napa', querec ac con na Te. Para an hwet mi' xut con Cote ma mapa' ma' quem?

João 21:2

Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.

Atos 12:17

An piri' ac cain na micon. Tacana to je ta ac tococwa na, tomi' hwet ac tococwa na pain ca pa hwet tocwa ma'. Pa hwet napa' Taramaxicon nexi' ta. Tomi' hwet jun pain Tiago cocon oro xerexi' me ac tococwa na. In ca' ac tococwa na, mao ac cain na xijein xirim.

Atos 15:13

Pi' pin iri na ca pijim' nucucun ne, tomi' ac ca na Tiago. Taraju wet xine ta xere ac ca na.

Atos 21:18

Xec pin iri na ne, maji tomi' xun Tiago ta ac caparut na Paulo, ja' ja' ac urut con na. Wara cut in cut in pi' pin xucucun oro xerexi' co querec wet nonon co howa nonon Jeju ma'.

Gálatas 1:19

Querec inon Tiago coxa' ca Taramaxicon nexi' quem. Om ca querec toton oro xucucun apóstolo, xica' to ac caca na caram ma' Pedro con Tiago co querec ta' pain ca xo' mao tain Jerusalém pane.

Gálatas 2:9

Je ca tomi' cacapa' Tiago con Pedro con João ma', co querec pin' wawa pain ca to' hwara' opa cocon co howa nana ma', querec pin' ac cacapa' na pain ca mi' pan capa' pain ca taramaja wa Iri' Jam cwa'. Tomi' querec te ac cacaparut na, tomi' querec te nanapa', tomi' querec te nonon Barnabé cwa' quem. Taramaja wi iri' ca' ira nanaparut. Wahu', hwet jujun co om judeu nana ma'. Warut iri na ne, hwet ac urut cocon tara co judeu nana cwa'. Ac i ma' tara ca taramaja wi xi' ca' nanaparut. Ma ac urut cocon na quem.

Tiago 1:1

Tiago ina pain ca xirao' mi' xuhu' ca'. Taramaja mi' e' inon Iri' Jam con Taramaxicon nexi' Jeju Cristo. Xirao' mi' inuhu' pain ca judeu iri' ca', pain ca wawaran to hwein oro xijein macan' ma'. Tomi' querec te inuhu' ta.

Judas 1:1

Judas ina pain ca xirao' mi' xuhu' ca'. Taramaja mi' inon Jeju Cristo. Aji' inon Tiago quem. Xirao' mi' inuhu' pain ca howa xine cuhu' Cotere' Iri' Jam, je pain ca om noc camain' cuhu', je pain ca querec wet xo' cuhu' Jeju Cristo ma' quem.