Mateus 10:29 - Tradução Bíblica Pacaas Novos

²⁹ Noro jein wijimain me ma' quem ac caparut na. Om ca hwara' ne dinheiro nein. Mo ta cut 2 xin irin, wijimain e' tara dinheiro nein ca pagar jein capari' waximain, xi iri' carawa ne ta. Ane querec wet cain Cotere' ne. Mo ta noc cain pain ca mi' pin wa, om ca mi' pin ximao ne.

Mateus 10:29 Iomraidhean Croise

Mateus 5:26

Je ca tomi' xim ca', tomi' iri'o' inem. Mo ta om pagar pi' pin main dinheiro ca pagar ron quem juiz ma', om ac ne tara ca hwet ca' ac main xirinain ca tao' to tao' to to wa ma'. Tomi' iri'o' inuhu' ta na ca tomi' tococwa ma'.

Mateus 6:26

Noro jein oro me ca toin mama' nein pawin ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Cotere' co pe pawin ne. Je ca tomi' xuhu' ca': Querec wet paxi' nain oro me Cotere' ma'. Ane querec wet tamana pan cuhu' ne.

Marcos 12:42

Maqui' ac cama na narima' co mi' ca' nam taxicam. Ximin na, om nam carawa. Cut ho' 2 ac camain na wijimain moeda pain panaji dinheiro ma'. Om ca hwara' camain' ne wijimain dinheiro nein moeda ca mi' cama ma'. Iri' wijimain na.