Mateus 10:27 - Tradução Bíblica Pacaas Novos

²⁷ Ca tomi' ne pain ca tomi' noc xa xuhu' pain ca paric to nexi' pain xirixi' ca', pain ximijain xim ca', tomi' hwet pi' pin ac huhun tara pain oro wari' pain tocon xina.

Mateus 10:27 Iomraidhean Croise

Mateus 24:17

Wari' co hwet pe ca' nain xiricon ma', mo mao hap ac ca tara. Om ta na ne pain ca corom in mao cain xiricon pain ca cut tain cain caramaxicon. Mo mao hap e' tara ta.

Lucas 12:3

Je ca tomi' xuhu' ca' quem: Oro ca tomi' noc xa hwe pain xuruhu' ma', pain ximijain xim ma', tomi' hwet tomi' hwet pi' pin ac tococwa tara oro wari' pain tocon xina. Taraju taraju pi' pin ac cacain tara quem tata.

Lucas 8:10

Om na, wara coromicat xo' na Iri' Jam pane ac tococwa na. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Ane om ac i ma' ne cocon oro xucucun wari' co om howa nanapa' ne. Ca' na toton pain capijacon Iri' Jam iri inonon ne, pijim' joc mam' mi' e' inonon pain oro ca pijim' wa. Ma' ta hwet pin ne ca xirao' pe nucun profeta cara pane. Ca' na con pane: Querec paxi' nana, ane om querec pin' caca ne. Taraju taraju paxi' nana, ane om taraju pa' caca quem ne. Ac i ma' na ca xirao' pe nucun profeta cara pane ta na ca tomi' tococwa ma'.

João 16:1

Wara tomi' hwet inuhu' pain oro ca tomi' ne ca' ac caparut na. Ma' ta om aram aram i'ina ne xumuhu' pain ca quep em' xim cucuhu' oro win judeu hwe ma' inuhu'.

João 16:13

Ane maqui' ta' ne Tamataracon Te ca an hwet pe taxipa' nain oro capijacon Te ca iri'o' ne. Maqui' iri tara ne, tomi' xo' ac cuhu' tara pain oro capijacon Te ca iri'o'. Om ta tomi' hwet cuhu' pain ca coromicat pan nein, om na. Tomi' hwet e' turuhu' pain oro ca taraju ne con Te. Tomi' hwet turuhu' pain oro carawa ca ara ta' ma' quem.

João 16:25

Pain ca tomi' hwet xuhu' pain oro ca tomi' ne ca', pijim' joc mam' mi' inuhu' pain oro carawa pain ca ca' na xuhu' pain capijacon Te ac caparut na. Ame hwe e', main maqui' tara xec nein ca pijim' joc mam' mi' pijim' joc mam' mi' om pin xuhu'. Tomi' xo' e' xuhu' con Te. Ma' ta taraju pa' hwe con ta inuhu'.

João 16:29

Tomi' ac urut con na: Aram aram taraju pa' pin urut pum. Xi tomi' xo' ara maparut ta. Om ca pijim' joc mam' mi' mami' e' maparut pain oro carawa ta.

Atos 17:17

Je ca tomi' xo' tococwa oro wari' pain oro xijein xec ma. Tomi' xo' tata oro judeu pain xirim ca cut in to xucucun ma', tomi' xo' tomi' xo' ac tococwa na co om judeu nana co xuruxut xo' nana pain ca win xumu cacain ca param nucun Iri' Jam ma' quem. Mao nain ca xao to to caca oro wari' pain ximijain cidade ma', tomi' xo' tomi' xo' ac tococwa na co xuruxut in nana ma' quem.

Atos 5:20

Mama' jein ca tao' caho' nein cote ne xiricon Iri' Jam ta. Pijim' jujun oro wari' ma', tomi' hwet jujun pain ca mi' toton cocon pain ca om pi' ra ha' ne ca e' wa Iri' Jam ta. Ac i ma' na ca tomi' cocon jam co taramaja mi' non Taramaxicon nexi'.

Atos 5:28

Tomi' mip urut pahu' ma' ira! Ta an hwet camain' hwein wixicon Jeju pain ca pijim' huhun oro wari' me ta paxi' urut pahu'. Ane om tomi' ha' maparut ne. Pijim' mi' pijim' mi' tiquin' huhun pain ca howa nuhu' oro wari' co to nanain Jerusalém ca'. Ac ca coromicat mi' maparut na pain ca to' pa' pin urut con Jeju ta nonon pain ca tomi' mana' tococwa ma'.

2 Coríntios 3:12

Je ca tomi' xuhu' ca'. Taxi' urut pain ca om pi' ra ha' ne xocori ca tomi' xo' nucun Iri' Jam pain ca to' witan pin xim capari' ca'. Je ca om pijim' jin' urut pain. Om ca joc xim urut pain, pijim' hwara' opa urut pain.