Mateus 10:25 - Tradução Bíblica Pacaas Novos

²⁵ Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.

Mateus 10:25 Iomraidhean Croise

Mateus 12:24

Taraju iri nonon oro fariseu ma' ne, tomi' ximama' ac cocon na Jeju: Om na, om paxi' na ca hwara' opa pan ca pain ca tomi' jein pin cocon oro caxicon jam ta. Wirico Belzebu ma', co taramaxicon nucucun oro caxicon jam ma', wirico co mi' non pain ca hwara' opa nucun. Je ca ha' con pain ca tomi' jein pin cocon oro caxicon jam ta na ca tomi' ximama' cocon ma'.

Mateus 12:27

Tomi' ximama' ca' mahu': Wirico Belzebu co mi' nem pain ca hwara' opa wa, je ca ha' quem, pain ca tomi' jein pin momon oro caxicon jam ta mahu'. Cain' cain' caca oro win ma' nuhu' ma' quem? Ma' co mi' nonon pain ca hwara' opa wa quem? Para ha' cocon pain ca tomi' jein pin cocon oro caxicon jam ma' quem? Je ca tomi' xuhu' ca', tomi' ximama' hwe ta pan nunuhu' oro win ma' nuhu' pain ca tomi' ac i ma' mahu' ta.

Mateus 9:34

Ane tomi' ximama' cocon oro fariseu ma' ne. Wirico taramaxicon nucucun oro caxicon jam co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

Marcos 10:39

Ha' naparut ta nonon. Je i ma' ira, an xiho' xim mahu' pain ca jain jain ta' ne ca' ira. An xiho' xim mahu' pain ca quep em' xim cacapa' oro wari', je pain ca to' pa' pin xim cacapa' quem.

Marcos 3:22

Oro co ca' na nanain ca xirao' nucun Moisés ma', co maqui' nanain Jerusalém ma', tomi' ximama' ac cocon na Jeju: Om na, corom pe ho' non Belzebu ta. Wirico Belzebu co taramaxicon nucucun oro caxicon jam ma', wirico co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

Lucas 11:15

Ane ma' caca co tomi' ca' nana ne: Om na, wirico Belzebu con, co taramaxicon nucucun oro caxicon jam ma', wirico co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

Lucas 11:18

Ac i ma' na con Caxicon Jam cocon oro win caxicon jam ca ma' quem. Mo xi mana' caracan xucucun, ma' xira ca hwara' opa cara ac caca quem ra? Om na. To' om pin ac xucucun xira pain ca hwara' opa nucucun. Tomi' ac i ma' inuhu', xi om ne ca tomi' em' ca' ara mahu' ta: Wirico Belzebu ma', co taramaxicon nucucun oro caxicon jam ma', wirico co mi' nem pain ca tomi' jein pin momon oro caxicon jam ta, ac i ma' na ca tomi' em' mahu' ma'.

Lucas 11:19

Tomi' ximama' ca' mahu': Wirico Belzebu co mi' nem pain ca hwara' opa wa, je ca ha' quem, pain ca tomi' jein pin momon oro caxicon jam ta mahu'. Cain' cain' caca oro win ma' nuhu' ma' quem? Ma' co mi' nonon pain ca hwara' opa wa quem? Para ha' cocon pain ca tomi' jein pin cocon oro caxicon jam ma' quem? Je ca tomi' xuhu' ca', tomi' ximama' hwe ta pan nunuhu' oro win ma' nuhu' pain ca tomi' ac i ma' mahu' ta.

João 10:20

Corom pe ho' con caxicon jam ma' ira! Tamanain pin na! Para taraju wet hwein ca tomi' nucun ma' nana.

João 7:20

Tamanain ma ta ac cocon na oro wari'. Corom pe ho' nem Caxicon Jam. Ma' co to' pa' pin xim nem quem nonon.

João 8:48

Tomi' ac cocon na Jeju oro taramaxicon ma'. Iri'o' na ca tomi' urut pum pane ac cocon na. Caxicon wari' ma. Ac wari' nein Samaria ma. Corom pe ho' quem Caxicon Jam ma' ira nonon.

João 8:52

Taxi' pin urut pum pain ca corom pe ho' quem Caxicon Jam ma' ta ac cocon na. Pain cara pane ca mi' pin ca hwanana nuxut Abraão pane. Pain cara pane ca cono' caca oro profeta pane quem. Je xi om tomi' ac i ma' ma pain ca wari' co tomi' ha' nain ca pijim' ne ca', om ta mi' pin camain' ca ta ma ma' quem? Cain' cain' xima quem?