Mateus 10:2 - Tradução Bíblica Pacaas Novos

² Ma' 12 urut pain ca tomi' ac i ma' caparut Jeju ma', pain ca apóstolo je pain ca tomi' hwet huhun pain capija oro wari' ta caparut. Mo urut: Simão ma', co o naparut ma'. Pedro na xijein wixicon Simão ma'. Ma' ac ca na coxa' ca ma' quem, André ma'. Ma' ac ca na Tiago con coxa' ca João ma' quem. Mana panxica Zebedeu nana Tiago con João ma'.

Mateus 10:2 Iomraidhean Croise

Mateus 17:1

Ma' 6 pin iri na xec pain ca wara tomi' xo' caparut pain ca mi' pin ta' nucun Jeju ne, maji ta ac tococwa na Pedro con Tiago con João ma', coxa' ca Tiago ma', piri' mama' ac cacain na cote ne pacun. Xica' to nana caram ma'.

Mateus 20:20

Tomi' ton Jeju ta ac cama na jicocon mana panxica Zebedeu ma', Tiago con João ma', co taxipa' nonon Jeju ma'. Harahap je e' ac tococwa na humaxicam, xuruxut hwet ac cocon na Jeju. Pe torotop mi' ac con na. Jeju, tomi' xim inem ira ac con na.

Mateus 26:37

Harahap je ta ac tococwa na Pedro cocon mana panxica Zebedeu ma', co ma' 2 nana ma'. O mama' ac tococwa na. Xuruxut xuruxut, tomi' xaxa' ac ca na Jeju. Jain jain pin na. Mija na.

Mateus 4:18

Xut ac cain na cacarain cote ne com pain Galileia ma'. Querec ac tococwa na caram ma' co ma' 2 nana ma'. Simão co Pedro na xijein wixicon ma'. André na wixicon coxa' ca ma' quem. Xin mi' nana pain com caji wi ca mam' pa' caca hwam. Xi pa' taxipa' ara caca hwam ma', vender vender ac cocon na quem, je i ma' ca taramaja nucucun pane.

Mateus 4:21

Xut tiquin' mao ac ca na, querec ac tococwa na xucucun ma', Tiago con coxa' ca João ma' quem. Mana panxica Zebedeu nana. To ho' nonon cote caca pain mam' horoho nucucun. Ara xo' nanain ca mam' pa' caca hwam ma'. Tomi' ac tococwa na: Harahap je, ja' ja' xine tata.

Marcos 1:29

Hwerehwet ca' iri nanain xirim ca cut in to xucucun ne, mama' ac cacain na xiricon Simão con André. Ja' ja' nonon Tiago con João ma' quem.

Marcos 13:3

Mama' ac cacain na Pacun Nein Oliveira ma'. Xao pe ac ca na Jeju. Querec pira nanain cote ne xiricon Iri' Jam pain xijein cacarain taparain com ma'. Tomi' querec pan ac con na Pedro con Tiago con João con André. Xica' to nana, om nana xucucun. Tomi' querec ac cocon na:

Marcos 6:30

In hwet ac cocon na Jeju oro apóstolo ma'. Tomi' hwet ac cocon na pain oro ca ara caca pain ca ca' na cocon pain capijacon Iri' Jam oro wari' ma' quem.

Lucas 11:49

Je ca tomi' ca Iri' Jam co taxi' tamana ma', tomi' pe ca' na pahu' pane: Mam' toton cocon oro profeta cocon oro apóstolo co tomi' hwet toton nonon pain capija. Ma' ac caca tara co to' parapa' pin caca, ma' ac caca tara oro xucucun co ja' tequi' quep em' caca ma' quem, ac i ma' na ca tomi' pe ca Iri' Jam pahu' pane.

Lucas 22:14

Xo' um pin iri na ne, pain iri' hora nein ca an pe xo' caca ma', cao' xi' ta ac caca na Jeju cocon oro apóstolo nucun ma', xao to ho' ac xucucun na pain pana ca mam' cao' to caca ma'.

Lucas 22:8

Tomi' xo' ac con na Pedro con João: Ara xo' jein carawa nein ca cao' querec te xi' iri' pain Páscoa ta tata.

Lucas 5:10

Ac i ma' nana mana panxica Zebedeu Tiago con João ma' quem, co taramaja wi ca ma'. Om na, ta jin' ma me ta Simão ac ca na Jeju. Maho' rain ca cut wa hwam ta. Mi' ho' xim inem pain xijein ca taramaja wa pain xocori ca'. Cut in ho' roron wari' ta. Win ne ca cut in taxipa' mon hwam cwa', ac i ma' roron oro wari' ta. Ma' ta howa cacapa' pum ta inem na ca tomi' con ma'.

Lucas 9:10

In hwet iri nonon Jeju oro apóstolo ma' ne, tomi' hwet ac cocon na pain oro ca ara caca ma'. Harahap je ta ac tococwa na, mama' ac cacain na Betsaida ma', je i ma' wixinain cidade ca mama' caca ma'. Mama' xica' to nana, om na wari' co ja' ja' nonon.

João 12:22

Na ra ac ca na Filipe, mo hwet ac con na André ma'. Querec xuxun Jeju na urut ta nana caram cwa' ta ac con na. Tomi' hwet xun cocon e' ac caca na, mo hwet ac cocon na quem.

João 13:23

Iri' win ma' ne napa' Jeju. Xao pe ja' pan inon.

João 20:2

Mo hwet ac caparut na Maria Madalena. Simão Pedro, wata' pain ca iri' win ma' ne capa' Jeju ca', mo hwet naparut Maria. An hwet ca' nonon pain manain pacun Taramaxicon nexi' ta naparut. Om ca taxi' urut pain ca an terem' pe cocon quem naparut.

João 21:2

Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.

João 21:20

Noro in ac ca na Pedro. Querec ac capa' na pain ca ja' ja' toton ma'. Wata' co iri' win ma' ne ca Jeju quem. Wata' co xao pe ho' non Jeju pain ca cao' querec te nuxut pane, co joc tomi' non Jeju pain ca ma' co tomi' mi' xim nem cocon oro taramaxicon quem ton pane.

João 21:24

Wata' pain ca taxipa' ton Jeju ca', tomi' hwet pan inuhu' pain oro ca ara ca Jeju pane. Xirao' pe mi' inuhu' pain quem. Taxi' urut pain ca tomi' iri'o' ta' ca' quem.

João 6:67

Tomi' querec ac caparut na pain ca taxipa' urut con ca', pain ca 12 urut ca'. Paca' xim mahu' quem ra naparut.

João 6:70

Wata' paxi' na co tora' pi' pin nuhu' pain ca 12 hwe ma' ac caparut na. Ane ma' ca win ma' nuhu' co tomi' ha' non Caxicon Jam ma' ne na ca tomi' caparut ma'.

João 6:71

Tomi' mi' non Judas, panxica Simão Iscariotes. To' 12 paxi' naparut Judas Iscariotes. Ane quep xiho' toton cocon oro taramaxicon co quep xun nonon Jeju ne. Ame hwe e'.

João 6:8

Tomi' ac ca na win ma' nuxut ma', André coxa' ca Pedro ma':

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.

Atos 1:26

Ma' xi taramaja wi capari' cwa' ne ac caca na, ara ac cacain na ca ara taxipa' caca ma', mam' ac cacain na wixicon Matias ma' quem. Wum ta ac cocon na, jao jao ma' pan ac cocon na oro xucucun apóstolo co 11 nana ira.

Atos 12:2

Ton tapit pin jein winacon Tiago ma' quem ac tococwa na. Aji' non Tiago João ma'. Apóstolo nucun Jeju nana pane.

Atos 3:1

Maqui' ac ne na xec pain ca mama' cacain cote ne xiricon Iri' Jam Pedro con João. Piquirim pin na xina, pain 3 hora ma', mama' ac caca na. Wirico co ma' xina nucucun oro wari' pain ca tomi' taxipa' cocon Iri' Jam pain xiricon pane, je curucucun pane.

1 Coríntios 15:7

Aram aram hwet pa' ac tocwa na Tiago, aram aram hwet pa' hwet pa' pi' pin ac tococwa na oro xucucun apóstolo.

Efésios 4:11

Wirico Cristo co mi' nain oro ca taramaja taxi' wa. Ma' nana co mi' wawa pain ca apóstolo wa pain ca tomi' hwet cacain capijacon Jeju. Ma' nana xucucun co mi' wawa pain ca profeta wa pain ca tomi' hwet cacain capijacon Iri' Jam quem. Ma' nana xucucun co mi' wawa pain ca evangelista wa, ma' ta tomi' hwet huhun oro wari' pain ca mi' pin caho' toton ta tata. Ma' nana xucucun co mi' wawa pain ca pastor wa pain ca ca' na wa capijacon Iri' Jam quem.

Hebreus 3:1

Je ca tomi' xuhu' ca' xere, pain ca wari' ne cuhu' Iri' Jam ma', je pain ca tora' cuhu' pain ca howa xine cuhu' ma' quem. Tomi' xim inuhu'. Mam' pe wet cara jun Jeju cwa', co tomi' hwet napari' pain ca tomi' nucun Iri' Jam cwa', co sacerdote co iri' taramaxicon cwa'. Wirico co howa iri' cwa'.

1Pedro 1:1

Pedro ina pain ca xirao' mi' xuhu' ca'. Apóstolo ra napa' Jeju Cristo pane, pain ca tomi' hwet roron pain capija oro wari' capa' pane. Xirao' mi' inuhu' pain ca wara tora' cuhu' Iri' Jam pane. Ac ca tatirim to hwein na oro macarahu' ma', pain Ponto, pain Galácia, pain Capadócia, pain Ásia, je pain Bitínia ma' quem.

2 Pedro 1:1

Simão Pedro ina pain ca xirao' mi' xuhu' ca'. Taramaja mi' inon Jeju Cristo. Apóstolo ra napa' pain ca tomi' hwet roron pain capija oro wari' capa' pane. Xirao' mi' inuhu' pain ca win ma' ne xijexi' pain ca howa xun Jeju Cristo. Wirico co Iri' Jam ne iri' cwa', co to' witan napari' cwa'. Om ca tomi' querec te paxica' capari', mi' mi' pi' pin napari' pain ca howa xun ca'. An an ari xijein ca howa nexi' quem.

2João 1:1

Wata' pain ca querec wet toton oro co howa nonon Jeju cwa', wata' pan co xirao' mi' xim ca' we. Tora' pan nem Iri' Jam. Xirao' mi' inonon humajum ma' quem. Om ca noc camain' xuhu', tomi' querec te iri'o' inuhu'. Om ca xica' pe ta' pain ca om noc xuhu' ca', tomi' querec te tomi' querec te pi' pin nunuhu' co taraju pa' nanain capijacon Iri' Jam ca iri'o' con Jeju ma' quem.

3João 1:1

Wata' pain ca querec wet toton oro co howa nonon Jeju cwa', wata' pan co xirao' mi' nem cwa' Gaio. Om ca noc camain' xim, tomi' querec te iri'o' inem.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.

Apocalipse 1:9

João ina pain ca xirao' mi' xuhu' ca'. Xere xijexi' pain ca howa xun Jeju. Win ma' ne xijexi' pain ca jain jain wi iri' cocon oro wari' co quep em' nanapari', xi om ne ca taramaxicon ne ara xun Iri' Jam ta. Win ma' ne xijexi' pain ca quereme cara xin oro ca to' i'ina napari' pain ca howa xun Jeju quem. Pe inain xixi pan nein macan' Patmos. An mao nanapa' pain i cain pane, xi om ne ca pijim' ara tain capijacon Iri' Jam pane, xi om ne ca tomi' hwet ara toton con Jeju oro wari' pane quem.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.

Apocalipse 22:8

Wata' pain ca João ta' ca', wata' co taraju nain oro ca ara ta' ne ma', ca xirao' pe ta' ca'. Querec inain quem. Taraju iri inain ne, querec iri inain ne, pan' hwet ac ton na pain caximacon jam co taramaja mi' non Iri' Jam ma', co an hwet mi' napa' pain oro ca taraju ta' pain oro ca querec ta' quem. Ma' ta pe torotop mi' querec te ton inon ira.