Mateus 10:14 - Tradução Bíblica Pacaas Novos

¹⁴ Mo ta om tomi' querec te cuhu' wari' ma', mo ta om caca oro win ma' ca pain xiricon co taraju tain nanain ca pijim' nuhu' ma', mo ta om ma' camain' ca wari' pain cidade nucucun co taraju xin nanain ca pijim' nuhu' ma' quem, paca' ac huhun tara, wap camara' ac hwein tara ximirinain macaracocon pain caximahu' pain ca paca' hwein cidade nucucun. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' ac huhun tara.

Mateus 10:14 Iomraidhean Croise

Mateus 10:13

Mo ta tomi' querec te cucuhu', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cucuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem.

Mateus 18:5

Noro jun pije' cwa', co om hwara' opa cwa' ac caparut na. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na quem.

Marcos 6:11

Mo ta hwet xun huhun xucucun wari' co to nanain oro ca paric to ne xirim ma' quem, mo ta om tomi' querec te cucuhu'. Mo ta om ma' camain' ca wari' co taraju xin nanain ca pijim' nuhu' ma', paca' ac huhun tara, wap camara' ac hwein tara ximirinain macaracocon pain caximahu' pain ca paca' huhun ma'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ta ac huhun tara quem. Ac i ma' na ca tomi' xo' tococwa pane.

Marcos 9:37

Tomi' ac tococwa na co taxipa' ca ma': Noro jun pije' cwa', co om hwara' opa cwa'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Om ca xica' pe querec te capa'. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'.

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

Lucas 9:5

Mo ta om tomi' querec te cucuhu' oro wari' pain ca hwet huhun pain cidade nucucun ma', wap camara' ac hwein tara ximirinain macaracocon pain caximahu' pain ca paca' xun huhun ma'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' ac huhun tara. Ac i ma' na ca tomi' xo' tococwa pane.

João 13:20

Je ca tomi' xuhu' ca', tomi' iri'o' inuhu' ta ac caparut na. Wari' co tomi' querec te non co hwet roron oro wari' ta ta' cwa', tomi' querec te napa' quem. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem na ca tomi' caparut pane.

Atos 13:51

Paulo con Barnabé ma', wap camara' ac cacain na ximirinain macaracocon pain caximacocon ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam ta tata. Paca' ac cacain na cidade nucucun pain Antioquia ma', mama' ac cacain na xijein cidade cain, Icônio cain.

Atos 18:6

Ane tomi' in pin pan cocon ne. Tomi' napat nonon quem. Je ca wap camara' cain ximirinain macaracocon con womicon Paulo ma' quem. Ma' ta querec pin' xujuhu' pain ca pan teretem nuhu' pain ca noc hwein ca taraju wa capijacon Iri' Jam con Jeju ta tata. Tomi' ca' tata: Mo ta wap cuhu' Iri' Jam ma', pain ca noc hun Jeju ma', om ca wata' ne co em' ma' pahu'. Wahu' co em' pan nana ta. Maho' pin inuhu' pain ca judeu hwe ma'. Pijim' pijim' om xuhu'. Pijim' mi' ho' toton pain capijacon Iri' Jam con Jeju oro wari' co om judeu nana ta na ca tomi' tococwa ma'.

1 Tessalonicenses 4:8

Je ca tomi' urut pahu' ca': Mo ta tomi' in pin hwein ca xirao' mi' urut pahu' ca', om ca wari' ca co tomi' in pin hwe. Tomi' in pin hun Iri' Jam co mi' nuhu' pain Iri' Tamataracon ca ara awi e' ma'.