Mateus 10:11 - Tradução Bíblica Pacaas Novos

¹¹ Tomi' ac caparut na: Tan' mama' iri jein oro xijein cidade ne, je pain oro ca paric to ne xirim ma' quem, pirao' ac hun tara wari' co tomi' querec te nuhu' ma', co harahap je ta nuhu' ma'. Wirico tara co hwet hwe, to ho' ac hun tara. Om ta paca' hun, mon to wet mon to wet maqui' pa' ac cuhu' tara xec nein ca hwet xun huhun xucucun wari' pain xijein cidade.

Mateus 10:11 Iomraidhean Croise

Mateus 10:10

Ta cut hwein caji coco ca mam' cut wa carawa ma' quem me. Ta cut tocwan hun wom je caji caxim je pana ca mam' pan xu wa quem me. Mi' pan tuturuhu' pain carawa ca cao' wa oro wari' co quep xiho' xi' hwe, xi hohot ara ne pain ca mi' xihwe pain carawa pain ca taramaja nuhu' ta naparut.

Mateus 10:12

Corom iri jein xiricon ne, tomi' ac huhun tara oro co to nanain ma'. Param urut con Iri' Jam pain ca mi' cuhu' pain ca om toron ne xumuhu', je pain ca mi' cuhu' pain oro ca awi wa ca' jujun.

Marcos 6:10

Hwet iri jujun oro wari' pain oro xijein xirim ne, to ho' ac hun tara co pi'am to ho' xine pain xuru ca' nuhu' ma'. Om ta paca' hun. Mon to wet mon to wet maqui' pa' ac cuhu' tara xec nein ca hwet xun huhun xucucun wari' pain xijein cidade.

Lucas 19:7

Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.

Lucas 9:4

Mo ta hwet hun wari' pain xiricon ma', mo ta pi'am to ho' xine pain xuru ca' cuhu' ma', to ho' ac hun tara. Om ta paca' hun, mon to wet mon to wet maqui' pa' ac cuhu' tara xec pain ca hwet xun huhun xucucun wari' pain xijein cidade.

Atos 16:15

Ja' ac tacama na pain com. Wiricam, wiricoco oro win ma' cama co to ho' nanam pain xiricam ma' quem, ja' ac tacacama na pain com. Ja' iri tata ne, tomi' mip ac caparut na: Mo ta querec pin' mahu' pain ca howa ton Taramaxicon nexi' cwa', je ta to ho' qui' mahu' pain xuru ta naparut, tomi' tomi' na ac caparut na. Ma ac urut cam na, to ho' ac urut cam na.