Mateus 10:10 - Tradução Bíblica Pacaas Novos

¹⁰ Ta cut hwein caji coco ca mam' cut wa carawa ma' quem me. Ta cut tocwan hun wom je caji caxim je pana ca mam' pan xu wa quem me. Mi' pan tuturuhu' pain carawa ca cao' wa oro wari' co quep xiho' xi' hwe, xi hohot ara ne pain ca mi' xihwe pain carawa pain ca taramaja nuhu' ta naparut.

Mateus 10:10 Iomraidhean Croise

Mateus 10:11

Tomi' ac caparut na: Tan' mama' iri jein oro xijein cidade ne, je pain oro ca paric to ne xirim ma' quem, pirao' ac hun tara wari' co tomi' querec te nuhu' ma', co harahap je ta nuhu' ma'. Wirico tara co hwet hwe, to ho' ac hun tara. Om ta paca' hun, mon to wet mon to wet maqui' pa' ac cuhu' tara xec nein ca hwet xun huhun xucucun wari' pain xijein cidade.

Marcos 6:8

Ca' na ca tomi' xo' mam' tococwa ma'. Mama' xi' iri je ne, ta cut hwein oro caramajuhu' me, an xica' pe jein pana ca mam' pan xu wa. Carawa ca cao' wa ma', je caji coco ca mam' cut wa carawa ma', je dinheiro ma' quem, ta cut hwein me ta.

Lucas 3:11

Om na, wari' co ma' 2 non iri' curucun wom ma' pahu', na e' na pain ca mi' con con xucun co om non wom. Ac i ma' tara wari' co ma' moin' non carawa ca cao' wa quem. Mi' toron pain xucun co om non carawa ta ac tococwa na.

Lucas 9:3

Tomi' xo' mam' ac tococwa na. Ta cut hwein oro caramajuhu' me. Pana ca mam' pan xu wa ma', je caji coco ca mam' cut wa carawa ma', je carawa ca cao' wa ma', je dinheiro ma', ta cut hwein me ta. Ta cut tocwan hun wom quem me.

2 Timóteo 4:13

Hwet xim iri ne ne, an qui' ac mon tara to' om capin' ne co pin ta' pain xiricon Carpo pane, pain Trôade pane. Cut qui' rain oro livro ne ma' quem, je oro tapari carawa ca joc top ma', ca xirao' pe xine ma' quem, je ca param tamana ta' quem.