Mateus 1:22 - Tradução Bíblica Pacaas Novos

²² Je Tamataracon Iri' Jam ca mi' nam pain ca nam' wa pane. Ma' ta hwet ne capija ca wara tomi' pe ta' pane, pain ca tomi' hwet rain ta ton profeta pane na Iri' Jam. Ca' na con:

Mateus 1:22 Iomraidhean Croise

Mateus 12:17

Quep xio pin tata oro wari', ma' ta hwet pin ne ca wara tomi' pe ca profeta Isaías cara pane, pain ca xirao' pe cain ca tomi' nucun Iri' Jam pane. Ca' na con:

Mateus 13:21

Ane om tomi' querec te cara cacain ne. Om ca corom mao nein ximicocon capijacon Iri' Jam ca taraju caca. Maqui' iri na carawa ca to' i'ina nonon ne, ja' tequi' quep em' iri tata oro wari' pain ca howa cacain capijacon Iri' Jam ma' ne, an to hap ac cacain na ca howa wa.

Mateus 13:35

Ma' ta hwet pin ne ca wara tomi' pe ca profeta pane, pain ca wara an hwet pe cain ca tomi' nucun Jeju pain cara pane. Ca' na ca tomi' ca pane: Pijim' toton oro wari' iri ta' ne, pijim' joc mam' mi' ac toton tara pain oro ca pijim' ne pain ca ca' na toton pain capijacon Iri' Jam. Tomi' hwet ac toton tara pain oro carawa ca om an hwet querec ca Iri' Jam ira, ca om taraju camain' caca oro wari' pain cara pane, pain ca xo' tomi' ma' pin cain macan' pane. Ac i ma' na ca wara an hwet pe cain ca tomi' nucun Jeju profeta pane.

Mateus 2:15

To ac cacamain na i cain. Mon to wet mon to wet, mi' pin iri na Herodes ma' ne, paca' ac cacamain na Egito, in mama' ac cacamain na macaracacam. Ac i ma' na ca hwet pin ne capijacon Iri' Jam ca wara tomi' pe ca con profeta pane, pain ca pe qui' cain Egito panxica pane. Ca' na ca wara tomi' pe ca con pane: Paca' rain Egito ta arain ac ton na panxita', paca' ac cain na quem. Ac i ma' na ca wara tomi' pe nucun pane.

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Mateus 5:17

Cain' ca coromicat mi' mahu' quem ac tococwa na. Tomi' am pin tarain ca xirao' nucun Moisés ma' mahu' ra? Tomi' am pin tarain ca xirao' to nucucun oro profeta cara pane quem ma' mahu' ra? Je ca maqui' cain macan' ca', ac i ma' na ca coromicat mi' mahu' ra? Om na, om ca maqui' ta' pain ca tomi' am pin tain ca xirao' nucun Moisés ta'. Om ca maqui' ta' pain ca tomi' am pin tain ca xirao' to caca oro profeta ta' quem, om na. Maqui' ina, ma' ta hwet pin ne oro ca xirao' to caca pata' ina, je ca maqui' ta' ca'.

Mateus 8:17

Quep xio pin iri tata ne, hwet pin ac ne na ca wara tomi' pe ca profeta Isaías cara pane. Ca' na ca tomi' pe nucun: Cut ca' napari' pain ca caxi nexi'. Quep xio napari' ta. Ac i ma' na ca wara tomi' pe ca Isaías pane.

Lucas 21:22

Xi wap xun ara tococwa oro wari' nein Jerusalém ta. Je i ma' tara oro xec nein ta. Win ne ca xirao' to xine pain capijacon Iri' Jam pane, hwet pin ho' tara con ta.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 15:25

Je i ma' ira, na e' na pain ca noc cacapa' ta. Ma' ta hwet pin ne ca xirao' pe xine capijacon Te ca howa paxi' caca ca'. Noc ximama' nanapa', ac i ma' na ca xirao' pe nein pata' ta naparut.

João 17:12

Pe ho' pe ho' wet iri inonon ne, narain ho' ac toton na pain oro ca om awi wa pane, mam' narain ho' inonon pain ca hwara' opa nem ca mi' mapa' pane. Querec wet xo' inonon. Om ca pan' ara'am camain' caca. Ma' xica' pe e' na co ma' co mao tarain cote ne xe ta ma pain cara pane, pan' am na co ma'. Ma' ta hwet pin ne ca xirao' pe xine pain capijam con pane ta non.

João 18:9

Tomi' nain i ma' Jeju, ma' ta hwet pin ne i cara ca tomi' ta' pain ca tomi' ton Te ne na pain ca om ca pan' ara'am camain' caca co mi' mapa' pane ta Te con Cote ca ne.

Atos 3:18

Wahu' paxi' na co to' pa' non pane. Ane ara pan cain ca wara tomi' pe nucun Iri' Jam ne. Ac i ma' na ca hwet pin ne capijacon ca xirao' to caca oro profeta pane. Jain jain tamana tara pain ca to' pa' pin tocwa Cristo ta na ca xirao' to cacain ca tomi' pe nucun Iri' Jam pane.

Romanos 1:2

Main taraju jein capija con Jeju ta napari' Iri' Jam pain cara pane. Wiricoco oro profeta nucun co xirao' pe nanain pain capijacon pane quem.

Apocalipse 17:17

Wirico Iri' Jam ara xi' na co an pe mi' nonon pain ximicocon pain ca ara xin cacain ca param pan nucun. Wirico Iri' Jam pan co mi' nonon pain ca tomi' xo' xucucun ma', pain ca mi' xun pain ca hwara' opa nexi' pain ca taramaxicon iri' ca' cocon co ma' co ac caji carawa co hwet qui' cain' ma', pain ca taramaxicon pan ra ta cocon ma'. Taramaxicon ac ca tara, taramaxicon taramaxicon maqui' pa' ac con tara xec nein ca ara ara pi' pin tain cain oro ca wara tomi' pe pan nucun Iri' Jam. Taramaxicon taramaxicon om pin ac ca tara ta.