Mateus 1:21 - Tradução Bíblica Pacaas Novos

²¹ Pan' qui' ac ca tara cawinacam. O' ma' ac mon tara, Jeju ac mon tara. To' witan toton ara xi' nonon oro win ma' ca ma', mi' toton ara xi' nonon pain ca witan ca' cacain ca wap wa pain ca caracat nucucun quem na ca tomi' con ma'.

Mateus 1:21 Iomraidhean Croise

Mateus 1:25

An paxi' nam, ane om quep cam ne. Pain ca om pan' querec ca cawinacam ma', om ca quep cam. Om om, pan' qui' ho' na cawinacam. O' ma' ac con na, Jeju ac con na quem.

Lucas 1:13

Ane tomi' pan con jam ma' ne. Om na ta Zacarias, ta jin' mapa' me ta non. Taraju nem Iri' Jam pain ca tomi' mon ma'. Ha' nem quem. Nam' tara narima' nem Isabel ta. Pan' qui' ac ca tara panxima. O' ma' ac mon tara, João ac mon tara.

Lucas 1:31

Nam' ra nem, pan' qui' ac ca tara cawinam. O' ma' ac mon tara, Jeju ac mon tara.

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

Lucas 2:21

Ma' 8 pin iri na xec nucun pije' ma' ne, pain ca wac xirac xin taparinain ca xirac nucun caca ma', wac xirac ac cocon na, o' ma' pin ac cocon na quem. Jeju ta nonon. Je ca wara o' ma' con jam co taramaja mi' non Iri' Jam pane, pain ca om nam' querec con jicon pane.

João 1:29

Xec pin iri na ne, querec ac con na Jeju João ma', pain ca xut hwet ton con ma'. Tomi' ac ca na: Noro jun co ma' co ac Wijimain Taramaji Ovelha nucun Iri' Jam ma'. Mi' pin pe rain maxicocon oro wari' ta non Iri' Jam pari'. Win ne wijimain taramaji ovelha ca mi' pin pe nain maxixi'. Xic am pin tain nain ca caracat nexi' ta na ca tomi' ca ma'.

João 4:42

Tomi' ac cacam na narima': Howa pin urut con Jeju ta. Om ca howa e' urut con pain ca taraju urut pum pain ca tomi' hwet maparut con, om na. Howa urut con, xi om ne ca taraju pan ara urut pain ca tomi' nucun ta. Je ca howa urut con ca'. Querec pin' urut con. Wirico na co to' witan taxi' ca' nonon pain ca caracat nucucun oro wari' pain oro xijein macan' ca' na ca tomi' cacam ma'.

Atos 13:23

Wanxi' tiquin' wanxi' tiquin' iri nana waram winacon Davi co wanxi' tiquin' nana pa'ao' ne, aram aram pan' qui' ac ca na Jeju. Wirico Iri' Jam co mi' napari' con. Mi' napari' con Jeju pain ca wari' nein Israel iri' ca'. Ma' ta to' witan ca' xim cuhu' pain ca caracat nuhu' ta napari'. Win ne ca wara tomi' pe mi' ton con Davi cara pane ta na.

Atos 3:26

Je ca tomi' xuhu' ca' ac tococwa na. Iri' Jam ma', mam' napari' con Jeju co tama' taramaja mi' non pane. Mam' cain' napari' con pain ca judeu iri' ca'. Ma' ta ara mi' momon pain oro ca awi wa ta non pari'. Ma' ta cwirin' cwirin' pi' pin cacain oro ca caracat nucucun pum ta non pari'. Ac i ma' na ca pijim' cocon oro wari' Pedro pane.

Atos 4:12

Je ca tomi' xuhu' ca' ac tococwa na. Xica' pe na Jeju co to' witan taxi' napari'. Om na xucun co to' witan roron oro wari' ta ca Iri' Jam pari', om om na pain oro xijein macan' pain pira quem. Xica' pe na Jeju co to' witan taxi' napari'. Ac i ma' na ca pijim' cocon oro taramaxicon Pedro ma'.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.

1João 3:5

Taxi' hun Cristo pain ca maqui' nucun pane. Maqui' nain macan', ma' ta to' om pin tain ca caracat nuhu' ta napari'. Taxi' hun pain ca om caracat camain' ca quem.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.