Mateus 1:1 - Tradução Bíblica Pacaas Novos

¹ Je i ca' ca xirao' to xine wixicocon oro hwanana nucun Jeju Cristo pane. Judeu nana. Hwanana ne non taramaxicon Davi cara pane, hwanana ne non Abraão cara pane quem.

Mateus 1:1 Iomraidhean Croise

Mateus 1:18

Ca' na ca pan' qui' nucun Jeju Cristo pane. Jicon ma', Maria ma', an tam na José ira. Om ca an querec xequequem, tomi' xo' e' xequequem, nam' ac cama na. Je Tamataracon Iri' Jam ca mi' nam pain ca nam' nequem ma'.

Mateus 1:2

Abraão ma', wanxi' ac con na Isaque. Isaque ma', wanxi' ac con na Jacó. Jacó ma', wanxi' ac con na Judá cocon oro xurucun.

Mateus 15:22

Maqui' ac cama na narima' co om judeu ma'. Wari' nein Canaã na. Xut hwet ac con na Jeju, merem ac con na: Taramaxicon ne! Winacon Davi! Co hwanana ne non Davi cara pane! Wum co wara tomi' pe ca Iri' Jam pane ta. Xiram pa' ne cam caina cwa'. Ximin na. Corom pe ho' nam caxicon jam ta non.

Mateus 3:16

Ja' pin iri ta ne, hwet ca' ac cain na com. Ane ane pa ac ne na nanawin. Querec ac cain na Tamataracon Iri' Jam pain ca quiji' hwet con ma'. Ac ca quiji' qui' ca xucu' na pain ca quiji' hwet con ma', pain ca xat con ma'.

Mateus 9:27

Mao ta' ta iri na Jeju ne, ja' ja' ac cocon na caram ma' co om tococon. Ma' 2 nana. Merem ac caca na: Xiram pa' xut ta Winacon Davi na ca merem nucucun ma'.

Lucas 1:33

Taramaxicon pe ho' cara ac cocon tara waram winacon Jacó cara pane, om ta pi' ra ha' ne ca taramaxicon pe ho' cara cocon ta. Ac i ma' na ca tomi' cam Maria Gabriel pane.

João 7:42

Xi xirao' pe ara ne capijacon Iri' Jam ta. Tomi' pe ca' na: Winacon Davi tara Cristo. Pan' pe tarain Belém ta, je iri' macaracon Davi ca pe pan ca pane na ca xirao' pe xine capijacon Iri' Jam ta nana.

Atos 2:30

Ane xirao' pe ac i ma' ca pane ne, xi profeta pan ara ca ta. Taxi' nain carawa ca maqui' ta' ma', taxi' non Iri' Jam pain ca wara tomi' pe nucun pane, pain ca main ma' tara winam co taramaxicon pe tain nain maxum ta qui' con pane. Om ca mixein ca Iri' Jam quem. Iri'o' ta, main ma' tara winam co taramaxicon pe tain nain maxum ta non pane.

Romanos 1:3

Pain ca tomi' capari' pain capijacon ca tomi' hwet napari' pain ca to' witan xim capari' ca', tomi' hwet napari' con Panxica. Pain ca wari' nucun Panxica pane, hwanana ne non taramaxicon Davi cara pane.

Romanos 4:13

Wara tomi' pe non Abraão Iri' Jam pane. Main mi' xim pain ca taramaxicon pe ho' momon oro wari' pain oro xijein macan' ca', main mi' toton pain waram winam quem ta non. Xi om ne ca howa ara mapa' ta non. Om ca tomi' ca' con: Mi' xim pain ca taramaxicon pe ho' momon oro wari' pain oro xijein macan' ca', xi tomi' ha' ara main ca xirao' nucun Moisés ta, om ca tomi' ac i ma' camain' con pane. Mi' xim pain, xi om ne ca howa ara mapa' ta non. Xi om ne ca to' hohot pin ara xim, ac i ma' na ca tomi' con pane.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

Gálatas 3:16

Ac i ma' na ca tomi' pe nucun Iri' Jam con Abraão pane quem. Wum, winam co main pan' ta' ma', tomi' pe mi' inuhu' pain ca param mi' xuhu' pain ca awi wa ta non pane. Om ca tomi' ac i ca' con: Tomi' pe inem cocon waram winam co main camara' xi' nana ma', om ca xirao' pe ac i ma' ne pain capijacon pane. Xi mija caca waram winacon co tomi' mi' ca pane ta. Tomi' ca' e' non: Tomi' pe inem con winam co main pan' ta' ma' ta non. Xica' pe na winacon co tomi' mi' ca, wirico Cristo ta.

1 Timóteo 2:5

Xi ma' xica' pe ara ca Iri' Jam ta. Ma' xica' pe na co to' wixicam pin napari' con, pain ca to' hohot capari' con. Wirico Cristo Jeju co wari' pin ma', wirico co to' wixicam napari' con.

2 Timóteo 2:8

Mam' pe wet ron Jeju Cristo co to' e' pin ca Cote ca pane, co iri' hwanana ne non Taramaxicon Davi cara pane. Je ca pijim' ta' pain ca pijim' tain capijacon Iri' Jam ca tomi' hwet napari' pain ca to' witan pin xim capari' Jeju.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.